આ પણ વાંચો ટ્રેન્ડિંગ સમાચાર
દારૃની હેરાફરી, પ્રોહિબિશનના કેસ સહિતની ગુનાહિત પ્રવૃત્તિમાં સંડોવાયેલાં બુટલેગરને પાસા
માણસા : જિલ્લા પોલીસ અધિક્ષકની સૂચના મુજબ વિદેશી દારૃની હેરફેરી
સાથે સંકળાયેલા શખ્સોે વિરુદ્ધ કાર્યવાહી કરવામાં આદેશ પ્રમાણે માણસા શહેરમાં પશુ
દવાખાના પાસે રહેતા એક શખ્સો વિદેશી દારૃની હેરફેરી સાથે સંકળાયેલો અને આ બાબતે
માણસા પોલીસ દ્વારા તેના વિરુદ્ધ કાર્યવાહી કરવામાં આવી હતી જેની ગુનાહિત
પ્રવૃત્તિના નોંધાયેલા કેસને આધારે તેના વિરુદ્ધ
પાસા એકટ મુજબ દરખાસ્ત તૈયાર કરી માણસા પોલીસે જિલ્લા મેજિસ્ટ્રેટને મોકલી
હતી જે મંજૂર કરવામાં આવતા આ શખ્સોને ઝડપી પાલારા ખાસ જેલ ભુજ કચ્છમાં મોકલી
દેવામાં આવ્યો છે.
માણસા શહેરમાં
પશુ દવાખાના પાસે રહેતો જીગ્નેશ જયંતીભાઈ રાવળ પોતાના રહેણાંકના મકાનમાં વિદેશી
દારૃ અને બિયરનો જથ્થો સંગ્રહ કરી વેચાણ કરતો હોવાની બાતમી આધારે માણસા પોલીસે ગત
જાન્યુઆરી મહિનામાં તેના ઘરમાંથી ૧૦.૩૨ લાખનો વિદેશી દારૃનો જથ્થો ઝડપી તેના
વિરુદ્ધ ગુનો દાખલ કર્યા હતો અને આ ઈસમ અવાર નવાર ગેરકાયદેસર રીતે વિદેશી દારૃ
અંગેની ગુનાહિત પ્રવૃત્તિ કરવા ટેવાયેલો હોય તેના વિરુદ્ધ પાસાની દરખાસ્ત તૈયાર
કરવામાં આવી હતી જેથી જિલ્લા પોલીસ વડાના માણસા તાલુકામાં વિદેશી દારૃ ની
ગેરકાયદેસર પ્રવૃત્તિ કરનાર તત્વો વિરુદ્ધ કડક કાર્યવાહી કરવાના આદેશ મુજબ માણસા
પોલીસે વિદેશી દારૃનાના ગુનામાં સંડોવાયેલા અને ગેરકાયદેસર પ્રવૃત્તિ કરવાની ટેવ
વાળા માણસાના જીગ્નેશ રાવળ વિરુદ્ધ પાસાની દરખાસ્ત તૈયાર કરી જિલ્લા મેજિસ્ટ્રેટ
ને મોકલી હતી જે મંજુર થઈને આવતા માણસા પોલીસે આરોપીને ઝડપી ભુજ કચ્છ પાલારા
ખાતેની મધ્યસ્થ જેલમાં મોકલી આપ્યો હતો.
