આ પણ વાંચો ટ્રેન્ડિંગ સમાચાર
અમદાવાદ,મંગળવાર,31 માર્ચ,2026
એક વર્ષમાં સૌથી વધુ તમામ ટેકસની રુપિયા ૨૩૭૩.૧૭ કરોડ આવક અમદાવાદ મ્યુનિસિપલ
કોર્પોરેશનના ટેકસ વિભાગે મેળવી છે. ૩૧ માર્ચ રાત સુધીમાં રુપિયા ૪૫ કરોડ આવક
થવાની સંભાવના તંત્રે વ્યકત કરી છે.
આ વર્ષે મ્યુનિસિપલ કોર્પોરેશનના ટેકસ વિભાગે ગત વર્ષની
તુલનામા રુપિયા ૧૧૯.૩ કરોડ વધુ આવક મેળવી છે. આ વર્ષમાં તંત્રને મિલકતવેરા પેટે રુપિયા
૧૮૩૩.૨૪ કરોડ, પ્રોફેશન
ટેકસ પેટે રુપિયા ૨૭૪.૭૯ કરોડ તથા વ્હીકલ ટેકસ પેટે રુપિયા ૨૩૮.૮૭ કરોડની આવક
મેળવી છે.જુના બાકી ટેકસ ઉપર ચઢેલા વ્યાજમા માફી આપતી સ્કીમ ૧ જાન્યુઆરીથી અમલમા
મુકાઈ હતી.૩૧ માર્ચ-૨૬ સુધીમા કુલ ૫૧૨.૩૭ કરોડની વસૂલાત સામે રુપિયા ૪૮.૩૯ કરોડ
વ્યાજમાફી અપાઈ હતી.તંત્રને રુપિયા ૪૬૩.૯૮ કરોડ નેટ આવક થઈ હતી.ટેકસ રીકવરી ઝુંબેશ
દરમિયાન સાત ઝોનમા કુલ ૨.૪૯ લાખ મિલકત સામે કાર્યવાહી કરવામા આવી હતી.૮૦૭ મિલકત
બોજા હેઠળ મુકાઈ છે.૨૧૮ મિલકતની હરાજી કરાઈ હતી.
ઝોન મુજબ મિલકતવેરાની આવક
ઝોન આવક(કરોડમાં)
મધ્ય ૨૪૭.૫૧
ઉત્તર ૧૪૮.૨૩
દક્ષિણ ૧૬૦.૬૫
પૂર્વ ૨૦૬.૪૮
પશ્ચિમ ૪૧૧.૦૮
ઉ.પ. ૩૯૯.૮૭
દ.પ. ૨૫૯.૪૨
