આ પણ વાંચો ટ્રેન્ડિંગ સમાચાર
ન્યુ વી.આઇ.પી. રોડ ખોડિયારનગર પાસે ક્રિસ્ટલ પ્રમુખ કોમર્શિયલ હબ નામની સ્કીમમાં દુકાન લેનાર મેડિકલ ઓફિસર પણ છેતરાયા હતા.
હરણી વારસિયા રિંગરોડ પ્રમુખપ્રીત પાર્ક સોસાયટીમાં રહેતા ધર્મેશકુમાર વિનોદચંદ્ર પંડયા ઇડર ખાતે આરોગ્ય વિભાગમાં હોમિયોપેથી મેડિકલ ઓફિસર તરીકે નોકરી કરે છે. તેમણે બાપોદ પોલીસ સ્ટેશનમાં ફરિયાદ નોંધાવી જણાવ્યું છે કે, વર્ષે -2015માં કેયા બિલ્ટેક એલ.એલ.પી. નામની પેઢીના ભાગીદાર મનિષ મહેન્દ્રભાઇ પટેલે ખોડિયારનગર પાસે ક્રિસ્ટલ પ્રમુખ કોમર્શિયલ હબ નામની સ્કીમ લોન્ચ કરી હતી.મારે દુકાન લેવાની ઇચ્છા હોઇ બિલ્ડરની ઓફિસે તપાસ કરવા ગયો હતો. મને ફર્સ્ટ ફ્લોર પર દુકાન પંસદ આવી હતી. 15 લાખમાં દુકાન લેવાનું નક્કી કર્યું હતું. મેં તેઓને કુલ 1.76 લાખ ચૂકવી આપ્યા હતા. તેમછતાં મને દુકાનનું પઝેશન આપ્યું નહતું તેમજ દસ્તાવેજ પણ કરી આપ્યો નહતો. બાપોદ પોલીસે મનિષ પટેલ તથા રુપલબેન પટેલ ( બંને રહે. સિલ્વર પાર્ક, કરોડિયા રોડ, તથા સાઇન પ્લાઝા, રેસકોર્સ) સામે ગુનો દાખલ કર્યો છે.
