આ પણ વાંચો ટ્રેન્ડિંગ સમાચાર
Gujarat Judiciary: ન્યાયતંત્રમાં પડતર કેસોની સ્થિતિ ચિંતાજનક અને પડકારજનક બની રહી છે. હાલ ગુજરાત હાઈકોર્ટમાં 1.74 લાખ જ્યારે નીચલી અદાલતોમાં 19.67 લાખ જેટલા કેસો ચુકાદાની રાહમાં હોવાનું સામે આવ્યું છે. સમગ્ર દેશની હાઈકોર્ટમાં હાલ 63.61 લાખ જેટલા જ્યારે સુપ્રીમ કોર્ટમાં 82,755 જેટલા કેસ પેન્ડિંગ છે.
ગુજરાતની અદાલતોમાં લાખો કેસ ક્રિમિનલ કેસ ચુકાદાની રાહમાં
મળતી માહિતી અનુસાર, કોર્ટમાં જંગી સંખ્યામાં કેસ પેન્ડિંગ રહેવા પાછળ ફક્ત કોર્ટ જ નહીં, કોર્ટમાં જરૂરી સ્ટાફની અછત, કેસ સંલગ્ન અન્ય પરિબળો પણ જવાબદાર હોય છે. તો નીચલી અદાલતોમાં નોંધાતા કેસમાં રાજ્યમાં ગુનાખોરીનું પ્રમાણથી લઈ અનેક બાબતો પર પણ નિર્ભર હોય છે. નવમી માર્ચની સ્થિતિએ ગુજરાત હાઈકોર્ટમાં 1,16,691 જેટલા સિવિલ અને 57,849 જેટલા ક્રિમિનલ કેસ પેન્ડિંગ છે.
આ પણ વાંચો: ‘વાયબ્રન્ટ ગુજરાત’નો ફૂગ્ગો ફૂટ્યો, 5 વર્ષમાં 8000 લઘુ ઉદ્યોગો બંધ, અમદાવાદમાં સૌથી વધુ અસર
અલ્હાબાદ હાઈકોર્ટમાં સૌથી વધુ 11.93 લાખ, રાજસ્થાન હાઈકોર્ટમાં 6.71 લાખ, બોમ્બે હાઈકોર્ટમાં 6.62 લાખ કેસ ચુકાદાની રાહમાં છે. ડિસ્ટ્રિક્ટ અને સબઓર્ડિનેટ કોર્ટની વાત કરવામાં આવે તો ગુજરાતમાં 3,25,786 સિવિલ કેસ અને 16,41,937 ક્રિમિનલ કેસ પેન્ડિંગ છે. ગુજરાત હાઈકોર્ટ અને નીચલી અદાલતોમાં કેટલાક કેસો તો વર્ષોથી ચુકાદાની રાહ જોઈ રહ્યા છે. પડતર કેસોના નિકાલ અને કેસોનું ભારણ ઘટાડવા સુપ્રીમ કોર્ટ અને હાઈકોર્ટ પણ ચિંતિત છે અને અવારનવાર આ મામલે દિશાનિર્દેશ જાહેર કરે છે, પરંતુ સામે કેસોનો ભરાવો પણ એટલી જ સંખ્યામાં વધી રહ્યો છે.
