આ પણ વાંચો ટ્રેન્ડિંગ સમાચાર
Vadodara : વડોદરા શહેરના છેવાડે આવેલી જાંબુવા નદીમાં કેમિકલ મિશ્રિત ઓઇલ છોડાતા સ્થાનિકો અને પસાર થતા લોકોને આંખોમાં બળતરા અને શ્વાસ રાંધવાની ભારે તકલીફ ઊભી થઈ હતી. જ્યારે નદીમાં વસવાટ કરતા મગરોની વસ્તી પર પણ ગંભીર ખતરો ઊભો થયો છે. ગઈ મોડી રાત્રે અંદાજિત 6 ટેન્કરો દ્વારા ઓઇલ મિશ્રિત કેમિકલ છોડાયું હોવાના સ્થાનિકોના આક્ષેપોથી વિસ્તારમાં ગભરાટનો માહોલ સર્જાયો હતો. નદીના પ્રવાહનું પાણી ઠેક ઠેકાણે ફીણવાળું જણાતું હોવાના વિડિયો સોશિયલ મીડિયામાં વાયરલ થયા હતા.
ઉલ્લેખનીય છે કે શહેરના છેવાડે આવેલી જાંબુવા નદીની આસપાસ કેટલીક કેમિકલની ફેક્ટરીઓ પણ આવેલી છે. કેટલાક લોકો દ્વારા ટેન્કરોના સહારે અથવા તો પાઇપલાઇનથી જાંબુવા નદીમાં કેમિકલ યુક્ત ઓઇલ મીશ્રિત પાણી વારંવાર છોડવામાં આવતું હોવાના આક્ષેપો વારંવાર થાય છે પરંતુ તંત્ર દ્વારા યોગ્ય કડક કાર્યવાહી નહીં થતી હોવાના પણ આક્ષેપો વારંવાર થતા રહે છે. આવી જ રીતે જાંબુવા નદીમાં ગઈ રાત્રે 6 ટેન્કરો દ્વારા ઓઇલ મિશ્રિત કેમિકલ છોડાયું હોવાનું સ્થાનિકોનું કહ્યું છે. જેથી નદી પાસેથી અને પુલ પરથી પસાર થતી વખતે લોકોને આંખોમાં સખત બળતરા અને શ્વાસ લેવામાં ભારે ગુંગળામણની અસર થઈ હતી. જોકે નદીમાં મગરની વસ્તી પણ વસવાટ કરે છે જેથી આવા ઓઇલ મિશ્રિત કેમિકલ છોડાતા મગરોની વસ્તીને ગંભીર ખતરો ઉભો થયો છે. જ્યારે બીજી બાજુ સ્થાનિક રહીશોને પણ વારંવાર આવી રીતે છોડાતા ઓઇલવાળા કેમિકલથી વારંવાર આંખોમાં બળતરા થવા સહિત શ્વાસોચ્છવાસમાં પણ ભારે ગુંગળામણનો સતત અનુભવ થતો રહ્યો છે. જેના કારણે લોકોમાં ગંભીર બીમારીમાં ફસાઈ જવાનો ભય સતત રહ્યા કરે છે. ત્યારે પુલ પરથી અને ગામમાંથી અવર-જવર કરનારા લોકોને પણ આંખોમાં સખત બળતરા અને શ્વાસ લેવામાં પણ ભારે તકલીફ ભોગવી પડે છે.
સ્થાનિકોનું કહેવું છે કે ગઈ રાત્રે 6 જેટલા ટેન્કરો દ્વારા જાંબુવા નદીમાં ઓઈલ મિશ્રિત કેમિકલ છોડાયું હોવાના પણ આક્ષેપો થયા છે જેથી નદીના પાણીમાં ચારે બાજુએ રીતસર ફીણ જોવા મળી રહ્યા હોવાના વિડીયો સોશિયલ મીડિયામાં વાયરલ થયા હતા.
