આ પણ વાંચો ટ્રેન્ડિંગ સમાચાર
ગોંડલ પંથકની પરિણીતાના ઘરે ધાર્મિક વિધિ વેળા નંબર લીધો હતો : પરિણીતા સાથે વાતચીતવાળા વીડિયો કોલમાંથી ન્યુડ વીડિયો બનાવી પરિણીતાના પતિને મોકલ્યા બાદ ધમકી આપી
ગોંડલ, : ગોંડલ પંથકની પરિણીતાના ઘરે ધામક વિધિ કરવા આવેલા જામનગરના ભુવાએ પરિણીતા સાથે વાતચીત થયેલા સ્ક્રીન રેકોડગના વિડીયો કોલ સાથે ચેડા કરી તેને ન્યુડ વિડીયોમાં પરિવર્તિત કરી પરિણીતાના પતિને મોકલ્યા બાદ સોશિયલ મીડિયામાં વાયરલ કરી દેવાની ધમકી આપતા તાલુકા પોલીસે જામનગરના કથિત ભુવા વિરુદ્ધ ગુનો નોંધ્યો હતો.
મહિલા ફરીયાદીએ જણાવ્યું હતું કે, જામનગરનો મહેશ ચૌહાણ તેમના ઘરે ધામક વિધિ કરવા ભુવા તરીકે આવ્યો હતો ત્યારે પરિણીતાને ઓળખાણ થઈ હતી. ત્યારબાદ બંનેએ ધામક બાબતે વાતચીત માટે મોબાઈલ નંબરની આપ-લે કરી હતી. એ પછી ઢોંગી ભુવાએ પરિણીતાને ફોન, વીડિયો કોલ કરવાનું શરૂ કર્યું હતું. પરંતુ ભુવાના ઈરાદા પ્રત્યે શંકા ઉપજતા તેણે વાતચીત બંધ કરી દીધી હતી.
આથી ઉશ્કેરાયેલા ભૂવાએ પરિણીતા સાથે વિડીયો કોલમાં થયેલી વાતચીતના રેકોર્ડિંગ કરેલા વિડિયોને એડિટ કરી ન્યુડ બનાવી નાખ્યો હતો. બાદ ભુવાએ બોગસ ફેસબુક આઇડી બનાવી નાખ્યું હતું. ભુવાએ ફેસબુક આઇડી પરથી પરિણીતાનો એડિટ કરેલો અશ્લીલ વિડીયો તેણીના પતિને મોકલ્યો હતો.જે સોશિયલ મીડિયામાં વાયરલ કરી દેવાની ધમકી આપી હતી.ચારિત્ર અંગે આળ મૂકી ધમકી ભર્યા મેસેજ કરતા અંતે પરણીતાએ ગોંડલ તાલુકા પોલીસ મથકે દોડી જઈ ફરિયાદ નોંધાવી હતી. પોલીસે આરોપીની ધરપકડ કરવા તજવીજ આદરી હતી.
