આ પણ વાંચો ટ્રેન્ડિંગ સમાચાર
Jamnagar Gambling Raid : જામનગર શહેર ઉપરાંત લાલપુર જામજોધપુર અને હાપા વિસ્તારમાં ગઈકાલે પોલીસે વરલી મટકાના જુગાર અંગે જુદા-જુદા સાત સ્થળો પર દરોડા પાડ્યા હતા, અને સાત આરોપીઓની અટકાયત કરી લઈ રોકડ રકમ તેમજ વરલી મટકાનો સામાન કબજે કર્યો છે.
જામનગર શહેરમાં ગઈકાલે જુદા જુદા ત્રણ સ્થળોએ વરલી મટકાના જુગાર અંગે દરોડા પાડયા હતાં, અને તબરેજ હુસેનભાઇ સિપાઇ નામના રીક્ષા ચાલક ઉપરાંત હિતેશ કિશોરભાઈ રોડીયા અને દીપક શામજીભાઈ ભદ્રાની અટકાયત કરી લઇ તેઓ પાસેથી રોકડ રકમ અને જુગારનો સામાન કબજે કર્યો છે.
લાલપુરમાંથી ચંદુભાઈ ચુડાસમાને જાહેરમાં વરલીના આંકડા લખવા અંગે પકડી પાડ્યો છે, આ ઉપરાંત જામજોધપુર વિસ્તારમાંથી વરલી મટકાનો જુગાર રમી રહેલા સોહીલ મામદભાઈ રાવકડા, અને રવિ ધીરુભાઈ ઝિંઝુવાડીયાની અટકાયત કરી લીધી છે. તે જ રીતે હાપા ખારીમાં રહેતા પ્રવીણ વલ્લભભાઈ પીપરીયાને પણ જાહેરમાં વરલી મટકાના આંકડા લખવા અંગે પોલીસે ઝડપી લીધો છે.
