આ પણ વાંચો ટ્રેન્ડિંગ સમાચાર
વડોદરાઃ ઓનલાઇન ટાસ્કના નામે વારંવાર ઠગાઇના કિસ્સા બનતા હોવા છતાં શહેરનો એક યુવક ઠગ ટોળકીના સકંજામાં ફસાતાં રૃ.૧૬.૧૪ લાખ ગુમાવ્યા હતા.
જેતલપુરરોડની ગણેશ કૃપા સોસાયટીમાં રહેતા મયૂરકુમાર રાઠોડે પોલીસને કહ્યું છે કે,ગઇ તા.૨૮મીએ ઓક્ટોબરે મને ક્રીથી ના નામે હાય..નો મેસેજ આવ્યો હતો.જેમાં તેણે તામિલનાડુની હોવાનું અને રિલાયન્સમાં એચ આર રિક્રુટર હોવાનું કહી પાર્ટટાઇમ જોબની ઓફર કરી હતી.
યુવકે ના પાડતાં યુવતીના નામે વાત કરનાર ઠગે આગ્રહ રાખ્યો હતો.આમ છતાં યુવકે ઇનકાર કરતાં ઠગે તમારી વિગતો એચઆરને આપું છું તેમ કહ્યું હતું.આમ છતાં યુવકે વિગતો આપવાની ના પાડતાં ક્રીથીએ કામગીરી સમજીને નક્કી કરજો તેમ કહ્યું હતું.
ત્યારબાદ ઓનલાઇન વર્કના નામે કંપનીમાંથી કોલ આવ્યો હતો.જેમાં ફ્રી ટાઇમમાં કયા પ્રકારનું કામ કરવાનું છે તે સમજાવીને મારા ખાતામાં રૃ.૮૭૬ જમા કર્યા હતા.જે ઉપાડવાનો પ્રોસિજર બતાવી આવી જ રીતે ફરી રૃ.૩હજાર જમા કર્યા હતા. ત્યારબાદ તેમણે જુદાજુદા ટાસ્ક આપીને ટુકડે ટુકડે રકમ જમા કરાવી સામે વધુ રકમની માગણી કરી હતી.જેથી મેં રૃ.૧૬.૫૬ લાખ જમા કરાવ્યા હતા.જેની સામે માત્ર રૃ.૪૧૮૯૪ મળ્યા હતા.ઠગોએ રકમ પરત નહિ આપતાં સાયબર સેલને જાણ કરી હતી.
