આ પણ વાંચો ટ્રેન્ડિંગ સમાચાર
ત્યકતા અને યુવક ફેસબુક પર સંપર્કમાં આવ્યા હતા
યુવકે મહિલાને વિસાવદર બોલાવી મોણવેલની સીમમાં લઈ ગયો હતો, છએય શખ્સ ત્રણ દિવસના રિમાન્ડ પર
જૂનાગઢ: વિસાવદરના બસસ્ટેન્ડમાંથી જેતપુર પંથકની ત્યકતાનું બાઈક પર અપહરણ કરી મોણવેલની સીમમાં લઈ જઈ ત્યાં છ શખ્સોએ તેણી પર સામુહિક દુષ્કર્મ આચર્યું હતું. આ કેસમાં પોલીસે બે વૃધ્ધ સહિત છ શખ્સની ધરપકડ કરી ત્રણ દિવસના રિમાન્ડ મેળવી વધુ કાર્યવાહી હાથ ધરી છે.
આ અંગેની વધુ વિગત મુજબ જેતપુર પંથકમાં રહેતી એક ત્યકતાને ધારી પંથકના વિપુલ ગોહેલ સાથે થોડા સમય પૂર્વે ફેસબુક પર સંપર્ક થયો હતો. બંને વચ્ચે મોબાઈલ નંબરની આપ લે થઈ હતી. ગત તા.૧૨ના વિપુલે આ ત્યકતાને વિસાવદર બોલાવી હતી. બાદમાં ત્યકતાને બાઈક પર બેસાડી તે ધારી તાલુકાના મોણવેલની સીમમાં લઈ ગયો હતો. મહિલાએ પૂછતાં વિપુલે ધમકી આપી હતી અને ચૂપચાપ બેસવા કહ્યું હતું. બાદમાં મોણવેલની સીમમાં વાડીએ લઇ ગયો ત્યાં વિપુલ ગોહેલ ઉપરાંત મનુ ઉર્ફે મુન્નો ડોટા, મણી કોટડીયા, દેસુર ભાભલા, પ્રવીણ હરખાણી અને પરષોત્તમ કરકરે ત્યકતા પર સામૂહિક દુષ્કર્મ આચર્યું હતું અને ધમકી આપી હતી. બાદમાં વિપુલ ગોહેલ મહિલાને વિસાવદર મૂકી ગયો હતો. મહિલાએ હોસ્પિટલમાં દાખલ થઈ ફરિયાદ કરતા પોલીસે અપહરણ, સામૂહિક દુષ્કર્મ અને એટ્રોસિટી એક્ટ મુજબ ગુનો દાખલ કર્યો હતો.
આ અંગે એસ.સી, એસ.ટી.સેલના ડીવાયએસપીએ તપાસ શરૂ કરી વિપુલ ગોહેલ, બે વૃધ્ધ સહિત છએય શખ્સની ધરપકડ કરી કોર્ટમાં રજૂ કરતા ત્રણ દિવસના રિમાન્ડ મંજૂર થતા વધુ પૂછપરછ હાથ ધરવામાં આવી છે.
