આ પણ વાંચો ટ્રેન્ડિંગ સમાચાર
– વીજ મીટરમાં શોર્ટ સકટથી આગ લાગી હોવાનું અનુમાન
– બે બાળકોનો આબાદ બચાવ અને ગેસ સિલિન્ડર બહાર કાઢી લેતા મોટી હોનાર ટળી : ફાયર બ્રિગેડે આગ પર મેળવ્યો કાબૂ
પાટડી : પાટડી શહેરના વિશ્રામ ગૃહ નજીક રહેતા ભાવેશભાઈ ઠાકોરના રહેણાંક મકાનમાં ગત રોજ અચાનક આગ લાગતા અફડાતફડી મચી ગઈ હતી. પ્રાથમિક અનુમાન મુજબ પીજીવીસીએલના વીજ મીટરમાં શોર્ટ સકટ થવાને કારણે આ આગ લાગી હતી, જેણે જોતજોતામાં વિકરાળ સ્વરૂપ ધારણ કરી પડોશના મકાનને પણ લપેટમાં લીધું હતું.
ઘટના સમયે ઘરમાં હાજર બે બાળકો સહિત પરિવારના સભ્યો તુરંત બહાર નીકળી જતા મોટી જાનહાનિ ટળી હતી. વધુમાં, ગેસ સિલિન્ડર સમયસર બહાર કાઢી લેવાતા મોટો ધડાકો થતો અટક્યો હતો.
આગની જાણ થતા જ પાલિકાની ફાયર ફાઈટર ટીમે સ્થળ પર પહોંચી પાણીનો મારો ચલાવી ભારે જહેમત બાદ આગ બુઝાવી હતી. આ દુર્ઘટનામાં લાઈટ ડેકોરેશનનો વ્યવસાય કરતા પરિવારનો તમામ સામાન અને ઘરવખરી બળીને રાખ થઈ ગઈ છે, જેનાથી આથક નુકસાન થયું છે. ગરીબ પરિવાર પર આવી પડેલી આ આફતને પગલે સ્થાનિકોમાં શોકની લાગણી પ્રસરી છે.
