આ પણ વાંચો ટ્રેન્ડિંગ સમાચાર
ઉનાળાના આરંભે પણ ગુજરાતનાં પેટાળમાં હલચલ
ભાવનગર જિલ્લાના ગઢડા પાસે કેન્દ્રબિંદુ નોંધાયું, માર્ચના 6 દિવસમાં 2.5થી વધુ તીવ્રતાના 6 ભૂકંપ, અનેક નાના આંચકા
રાજકોટ: ગુજરાતની ધરતીના પેટાળમાં ચોમાસા પછી શિયાળો પૂરો થયો અને ઉનાળાનો આરંભ છતાં ભૂકંપીય ગતિવિધિમાં ફરી વધારો જોવા મળ્યો છે. ગત બે દિવસમાં જ એક તરફ સૌરાષ્ટ્રના બોટાદ પાસે અને કચ્છના ભચાઉ પાસે નોંધપાત્ર તીવ્રતા ૩.૪ મેગ્નિટયુડના બે તથા કચ્છના દુધઈમાં ૩.૩ના તીવ્ર ધરતીકંપથી ધરતી ધુ્રજી હતી તેમજ પૂર્વ ગુજરાતના દાહોદ જિ.માં તથ દક્ષિણ ગુજરાતના વાંસદામાં પણ ભૂકંપ નોંધાયા છે.
માર્ચના ૬ દિવસમાં ૨.૫થી વધુ તીવ્રતાના ૬ ભૂકંપોમાં (૧) આજે સવારે ૯-૫૯ વાગ્યે દ.ગુજરાતના વાંસદાથી ૨૩ કિ.મી.અંતરે ૧૧.૬ કિ.મી. ઉંડાઈએ ૨.૭ની તીવ્રતાનો આંચકો નોંધાયો છે, આ પંથકમાં અગાઉ સ્વાર્મ પ્રકારના શ્રેણીબધ્ધ આંચકા આવી ચૂક્યા છે. (૨) આજે તા.૬ના એટલે કે ગત મોડી રાત્રિના ૧૨.૪૬ વાગ્યે કચ્છના દુધઈથી ૨૩ કિ.મી. ઉત્તરપૂર્વ દિશાએ કડોલ ગામ પાસે ૩.૩ની તીવ્રતાનો (૩) સૌરાષ્ટ્રના બોટાદથી ૨૮ કિ.મી. દક્ષિણ-પશ્ચિમ દિશાએ ગઢડા પાસે જમીનમાં ૧૫ કિ.મી.ની ઉંડાઈએ ગઈકાલે સાંજે ૩.૪ મેગ્નિટયુડનો (૪) કચ્છમાં ભચાઉથી ૧૨ કિ.મી. ઉત્તર-પશ્ચિમ દિશાએ જમીનમાં ૨૯.૫ કિ.મી. ઉંડાઈએ ૩.૪ (બોટાદ જેટલી) તીવ્રતાનો ભૂકંપ (૫) પૂર્વ ગુજરાતમાં આવેલા દાહોદથી ૩૪ કિ.મી. પશ્ચિમ-દક્ષિણ દિશાએ ઘડા અને ડાભવા ગામ વચ્ચે જમીનમાં ૧૭.૭ કિ.મી. ઉંડાઈએ કેન્દ્રબિંદુ ધરાવતો ૨.૫નો ધરતીકંપ નોંધાયો હતો. (૬) ગત તા.૨ માર્ચે તાલાલા ગીર પાસે ૪.૭ કિ.મી.ઉંડાઈએ ઉપરી સપાટીએ ૨.૭ના કંપનથી ધરતી ધુ્રજી હતી. આ ઉપરાંત અનેક નાના આંચકા આવ્યા છે.
ઉલ્લેખનીય છે કે કચ્છ પહેલેથી જ ભૂકંપની ભીતિવાળા સૌથી ઉંચા ઝોન-૬માં આવે છે તે સાથે સૌરાષ્ટ્ર અને દક્ષિણ,ઉત્તર સહિત ગુજરાતના અન્ય વિસ્તારો પણ ભૂકંપીય ગતિવિધિ માટે સંવેદનશીલ રહ્યા છે. કચ્છ સિવાયના ભૂકંપો માટે વરસાદથી વોટર ટેબલમાં ફેરફારનું એક કારણ તજજ્ઞાો આપતા રહ્યા છે પરંતુ, હાલ ઉનાળામાં પણ સિસ્મીક એક્ટીવિટીઝ જારી રહી છે.
