આ પણ વાંચો ટ્રેન્ડિંગ સમાચાર
Toxic Gas Leaks in Palghar: મહારાષ્ટ્રના પાલઘરમાં MIDCમાં આવેલી એક કેમિકલ ફેક્ટરીમાંથી સોમવારે(2 માર્ચ) બપોરે અચાનક ‘ઓલિયમ’ (ફ્યુમિંગ સલ્ફ્યુરિક એસિડ) ગેસ લીક થવાની ઘટના બની હતી. આ ઘટનાને પગલે સમગ્ર વિસ્તારમાં ભયનો માહોલ ફેલાઈ ગયો હતો. મળતી માહિતી અનુસાર, અંદાજિત 1 કિલોમીટર સુધી ગેસની અસર અનુભવાઈ હતી, જોકે રાહતની વાત એ છે કે આ ઘટનામાં કોઈ જાનહાનિના અહેવાલ નથી.
મહારાષ્ટ્રના પાલઘરની કેમિકલ કંપનીમાં ઝેરી ગેસ લીક થતા ફફડાટ
MIDC વિસ્તારમાં બનેલી ઘટના આ ઝેરી ગેસ ગળતર MIDC D-ઝોન વિસ્તારમાં આવેલી ‘ભગેરીયા કેમિકલ્સ કંપની’ (જે અગાઉ ઝેનિથ કેમિકલ્સ તરીકે ઓળખાતી હતી) માં થયું હતું. ગેસ લીક થવાની જાણ થતા જ જિલ્લા વહીવટી તંત્ર અને ઇમરજન્સી સેવાઓ તાત્કાલિક ઘટનાસ્થળે દોડી ગઈ હતી અને પરિસ્થિતિ પર કાબૂ મેળવવાના પ્રયાસો હાથ ધર્યા હતા.
આ પણ વાંચો: ખામેનેઈના મોત મુદ્દે જમ્મુ-કાશ્મીરમાં હિંસક દેખાવો, ટોળાને વિખેરવા લાઠીચાર્જ, ટિયર ગેસના શેલ છોડ્યા
વહીવટી તંત્રની કાર્યવાહી જિલ્લા કલેક્ટર અને જિલ્લા ડિઝાસ્ટર મેનેજમેન્ટ ઓથોરિટીના વડા ડો. ઈન્દુ રાની જાખરના જણાવ્યા અનુસાર, આ ઘટના બપોરે 2વાગ્યાની આસપાસ બની હતી. આ કંપની સાલવડ અને પાસ્થલ ગામોની નજીક આવેલી છે. ગેસ લીક થયા બાદ તકેદારીના તમામ પગલાં લેવામાં આવ્યા છે જેથી સ્થાનિક રહેવાસીઓને કોઈ નુકસાન ન થાય.
