આ પણ વાંચો ટ્રેન્ડિંગ સમાચાર
Road Accident In Rajkot: રાજકોટ-પોરબંદર હાઈવે પર જેતપુર નજીક આવેલી પેઢલા ચોકડી નજીક ભયાનક માર્ગ અકસ્માત સર્જાયો હતો. પૂરપાટ ઝડપે જઈ રહેલી એક નવી નકોર કાર ડિવાઈડર સાથે અથડાઈને પલટી ખાઈ જતાં એક યુવકનું ઘટનાસ્થળે જ કમકમાટીભર્યું મોત નીપજ્યું હતું, જ્યારે કારમાં સવાર અન્ય બે યુવકોને ગંભીર ઈજાઓ પહોંચી છે.
ડિવાઈડર અને ફાર્મની દીવાલ સાથે ધડાકાભેર અથડામણ
પ્રાપ્ત વિગતો અનુસાર, એક કાર જેતપુરથી ધોરાજી તરફ પૂરપાટ ઝડપે જઈ રહી હતી. બાલકૃષ્ણ ફાર્મ પાસે કાર ચાલકે સ્ટિયરિંગ પરનો કાબૂ ગુમાવતા કાર પહેલા ડિવાઈડર અને ત્યારબાદ ફાર્મની દીવાલ સાથે ધડાકાભેર અથડાઈ હતી. અકસ્માત એટલો ભીષણ હતો કે કારના ફુરચેફુરચા ઉડી ગયા હતા. કારનું બોનેટ અને પાછળનું ટાયર ઉખડીને રસ્તા પર દૂર સુધી ફંગોળાઈ ગયા હતા. કારમાં કુલ ત્રણ મિત્રો સવાર હતા. અકસ્માતમાં 20 વર્ષીય અવધ તિવારીનું ગંભીર ઈજાઓને કારણે ઘટનાસ્થળે જ મોત થયું હતું. જ્યારે 20 વર્ષીય દેવરાજ ગોસાઈ અને 20 વર્ષીય અક્ષય વાઘેલા ગંભીર રીતે ઇજાગ્રસ્ત થતા હોસ્પિટલમાં ખસેડવામાં આવ્યો હતા.
આ પણ વાંચો: રાજકોટ: કૌટુંબિક કાકાએ ભત્રીજી પર આચર્યું દુષ્કર્મ, પાપ છુપાવવા સગીરાને પરાણે ગર્ભનિરોધક ગોળીઓ ખવડાવતો
ઇન્સ્ટાગ્રામ પર વીડિયો અપલોડ કર્યો અને અકસ્માત સર્જાયો!
આ ઘટનાની સૌથી ચોંકાવનારી બાબત એ છે કે, અકસ્માત સર્જાયાની થોડી જ ક્ષણો પહેલા આ યુવકોએ કાર 118 ૧૧૮ કિલોમીટર પ્રતિ કલાકની ઝડપે દોડતી હોવાનો વીડિયો ઇન્સ્ટાગ્રામ પર સ્ટોરી તરીકે અપલોડ કર્યો હતો. સોશિયલ મીડિયા પર ગતિનું પ્રદર્શન કરવાની ઘેલછા અંતે આશાસ્પદ યુવક માટે કાળ સાબિત થઈ હતી.
ઘટનાની જાણ થતા જેતપુર ઉદ્યોગનગર પોલીસનો કાફલો સ્થળ પર પહોંચ્યો હતો. પોલીસના જમાવ્યાનુસાર, કાર ચાલકે કાબૂ ગુમાવતા આ ગમખ્વાર અકસ્માત થયો હતો. પોલીસ તપાસમાં સામે આવ્યું છે કે મૃતક અવધ તિવારી વિરુદ્ધ અગાઉ પાસા, મારામારી અને અપહરણ જેવા ગંભીર ગુનાઓ નોંધાયેલા હતા.
