આ પણ વાંચો ટ્રેન્ડિંગ સમાચાર
IEA Report On Global Oil Crisis : પશ્ચિમ એશિયામાં ચાલી રહેલા સંઘર્ષ અને તેલ-ગેસના ભંડારો પર થઈ રહેલા હુમલાઓ વચ્ચે આંતરરાષ્ટ્રીય ઉર્જા એજન્સી (IEA) એ વિશ્વને મોટી ચેતવણી આપી છે. આઈઈએના જણાવ્યા અનુસાર હવે માત્ર તેલનો પુરવઠો વધારવાથી આ સંકટનો ઉકેલ આવશે નહીં પરંતુ દુનિયાએ પોતાની આદતો બદલીને વપરાશ ઘટાડવા પર ધ્યાન આપવું પડશે.
પુરવઠાનો અત્યાર સુધીનો સૌથી મોટો ઝટકો
તેલના ભાવોને સ્થિર રાખવા માટે એજન્સીએ તાજેતરમાં 40 કરોડ બેરલ તેલનો જથ્થો બજારમાં મુક્યો હતો જે તેના ઇતિહાસનું સૌથી મોટું પગલું હતું. આમ છતાં આઈઈએનું માનવું છે કે આ માત્ર સામાન્ય તેલ સંકટ નથી પરંતુ અત્યાર સુધીનો સૌથી મોટો સપ્લાય શોક છે. રિપોર્ટ મુજબ વિશ્વનો 20 ટકા તેલ પુરવઠો જે માર્ગેથી પસાર થાય છે તે લગભગ બંધ થઈ ગયો છે જેના કારણે દરરોજ 2 કરોડ બેરલ તેલના પ્રવાહમાં અચાનક ઘટાડો થયો છે.
મોંઘવારીની સીધી અસર
તેલની કિંમતો પ્રતિ બેરલ 100 ડોલરને પાર કરી ગઈ છે અને ડીઝલ, જેટ ફ્યુઅલ તથા એલપીજી જેવી વસ્તુઓ ઝડપથી મોંઘી થઈ રહી છે. આઈઈએના પ્રમુખ ફતેહ બિરોલે સ્પષ્ટ કર્યું છે કે જો સ્થિતિ જલ્દી નહીં સુધરે તો આ ઉર્જા આપત્તિની અસર વધુ ઘાતક અને ઊંડી બનશે.
આ પણ વાંચો : 9 દેશોમાં ઉડાન ન ભરો…; મિડલ ઈસ્ટમાં યુદ્ધ વચ્ચે DGCAની એડવાઇઝરી, જાણો શું-શું નિર્દેશ આપ્યા
IEAએ આપી આ સલાહ
માત્ર પુરવઠો વધારવાને બદલે માંગ ઘટાડવા માટે એજન્સીએ અનેક તાત્કાલિક ઉકેલો સૂચવ્યા છે જેમાં વર્ક ફ્રોમ હોમ અપનાવવું અને હાઈવે પર વાહનોની સ્પીડ 10 કિમી પ્રતિ કલાક ઓછી કરવાનો સમાવેશ થાય છે. આ ઉપરાંત જાહેર પરિવહનનો મહત્તમ ઉપયોગ કરવો, કાર શેરિંગ અને વધુ સારી ડ્રાઇવિંગ પદ્ધતિઓ અપનાવવી તેમજ માત્ર અત્યંત જરૂરી હોય તેવી જ હવાઈ મુસાફરી કરવા પર ભાર મૂકવામાં આવ્યો છે. વાહનોમાં એલપીજીનો ઉપયોગ બંધ કરવો અને રસોઈમાં ગેસને બદલે ઈલેક્ટ્રિક સ્ટવ કે ચુલાનો ઉપયોગ કરવો પણ જરૂરી છે. એજન્સીએ ભારપૂર્વક જણાવ્યું છે કે હવે આ સંકટમાંથી બહાર આવવા માટે દુનિયાએ તેલ અને ગેસ પરની નિર્ભરતા ઘટાડવા સિવાય બીજો કોઈ વિકલ્પ નથી.
આ પણ વાંચો : ઈરાન-ઈઝરાયલ યુદ્ધ વચ્ચે મોટા સમાચાર, હુમલામાં IRGC પ્રવક્તા અલી મોહમ્મદના મોતની પુષ્ટિ
