આ પણ વાંચો ટ્રેન્ડિંગ સમાચાર
માણસા પોલીસ સ્ટેશન વિસ્તારમા દસ વર્ષ અગાઉ
ગાંધીનગર સ્પેશિયલ પોક્સો કોર્ટનો ચુકાદો : 30 હજારનો દંડથ સગીરાને ચાર લાખ રૂપિયા વળતર ચૂકવવા પણ હુકમ
ગાંધીનગર: માણસા પોલીસ સ્ટેશન વિસ્તારના દસ વર્ષ અગાઉ સગીરાને પ્રેમ જાળમાં ફસાવીને અપહરણ કરીને લઈ જઈ બળાત્કાર ગુજારનાર આરોપી સામે ગુનો દાખલ થયા બાદ ગાંધીનગર સ્પેશિયલ પોક્સો કોર્ટમાં કેસ ચાલ્યો હતો અને સરકારી વકીલની દલીલોને ગ્રાહ્ય રાખી કોર્ટ દ્વારા પોક્સોના ગુનામાં આરોપીને ૧૦ વર્ષની સખત કેદની સજાનો હુકમ કરવામાં આવ્યો છે.
આ કેસની મળતી વિગતો પ્રમાણે રાકેશ ઉર્ફે લાલો ઉર્ફે જંબુ બાબુભાઈ ચૌધરી દ્વારા ગત ૩૦ ઓગસ્ટ ૨૦૧૬ના રોજ માણસા શહેરમાં સગીરાને લલચાવીને ફોસલાવી તેનું અપહરણ કરી અલગ અલગ વિસ્તારમાં લઈ જવામાં આવી હતી. જ્યાં તેની મરજી વિરુદ્ધ બળાત્કાર પણ ગુજારવામાં આવ્યો હતો. જે સંદર્ભે સગીરાના પિતા દ્વારા માણસા પોલીસ મથકમાં ફરિયાદ નોંધાવવામાં આવી હતી. આ કેસ ગાંધીનગરની સ્પે. પોક્સો કોર્ટમાં બીજા એડિશનલ સેશન્સ જજ એસ.વી શર્માની કોર્ટમાં ચાલ્યો હતો.જ્યાં સરકારી વકીલ સુનિલ.એસ.પંડયા દ્વારા ભોગ બનનાર સગીરા અને અન્ય સાહેદોની જુબાની લેવામાં આવી હતી . ત્યારબાદ વકીલે રજૂઆત કરી હતી કે, ભોગ બનનાર દીકરીની ઉંમર નાની હતી અને તેમ છતાં આરોપી દ્વારા ગંભીર પ્રકારનો ગુનો આચરવામાં આવ્યો છે. સમાજમાં આ પ્રકારની ઘટનાઓ સતત વધી રહી છે. જેના પગલે આરોપીને કાયદામાં દર્શાવવામાં આવેલી સખતમાં સખત સજા કરવામાં આવે. જેના પગલે કોર્ટ દ્વારા આ દલીલોને ગ્રાહ્ય રાખીને આરોપી રાકેશ ઉર્ફે લાલો ઉર્ફે જંબુ બાબુભાઈ ચૌધરીને બળાત્કાર અને પોક્સો એક્ટની કલમ હેઠળ ૧૦ વર્ષની સખત કેદની સજા કરવામાં આવી છે અને ૩૦ હજાર રૂપિયાનો દંડ પણ ફટકારવામાં આવ્યો છે તેમજ જિલ્લા કાનૂની સેવા સત્તા મંડળને સગીરાને ચાર લાખ રૂપિયા વળતર ચૂકવવા પણ હુકમ કરવામાં આવ્યો હતો.
