આ પણ વાંચો ટ્રેન્ડિંગ સમાચાર
વડોદરાઃ તરસાલી વિસ્તારમાં અગાઉ ક્લિનિક ધરાવતા અને ૨૮વર્ષીય મહિલા દર્દીની સારવાર દરમિયાન સંપર્કમાં આવેલા વિકાસ પટેલે મહિલા સાથે શારીરિક સબંધો બાંધ્યા બાદ લગ્નનો ઇનકાર કરતાં પીડિતાએ ગોરવા પોલીસ સ્ટેશનમાં બળાત્કારની ફરિયાદ નોંધાવી છે.
પોલીસના જણાવ્યા પ્રમાણે,યુવતીને કરંટ લાગતાં ક્લિનિક ધરાવતા ડો.વિકાસ પટેલના સંપર્કમાં આવી હતી.ત્યારબાદ બંને વચ્ચે સંપર્ક ગાઢ બન્યો હતો અને તેઓ પ્રેમમાં પડયા હતા.આ દરમિયાન યુવકે શારીરિક સબંધો પણ બાંધ્યા હતા.
લગ્નનું વચન આપનાર વિકાસે ક્લિનિક બંધ કર્યું હતું અને ગોરવાની ટ્રાયકલર હોસ્પિટલમાં મેડિકલ ઓફિસર તરીકે નોકરી શરૃ કરી હતી.પરંતુ ત્યાંથી પણ તેણે રાજીનામું આપી દીધું હતું.
આ દરમિયાન થોડા સમયથી સુભાનપુરા હાઇટેન્શન રોડ પર વિકાસ રહેવા આવ્યો હતો.જે દરમિયાન તેના પરિવારજનો આવી જતાં તેમણે જ્ઞાાતિબાધ ઉઠાવી લગ્નનો ઇનકાર કર્યો હતો.જેથી વિકાસે પણ પીડિતાને લગ્નની ના પાડી દેતાં આખરે તેણે ગોરવા પોલીસ સ્ટેશનમાં ફરિયાદ નોંધાવી હતી. એસસીએસટી સેલના એસીપી સીબી સોલંકીએ ચારેય આરોપીઓની તપાસ હાથ ધરી છે.
ફરાર થઇ ગયેલા વિકાસને પકડવા ત્રણ ટીમો બનાવી,એક ટીમ સંતરામપુર રવાના
બળાત્કારની ફરિયાદ બાદ ફરાર થઇ ગયેલા વિકાસને શોધવા પોલીસની ત્રણ ટીમો કામે લાગી છે.
પોલીસના જણાવ્યા પ્રમાણે,હાલમાં વિકાસનો કોઇ પત્તો લાગ્યો નથી.મહિસાગર જિલ્લાના સંતરામપુર નજીકના કોઇ ગામમાં તેનું વતન હોવાથી પોલીસની એક ટીમ ત્યાં રવાના થઇ છે.
આ ઉપરાંત વિકાસ કઇ ડિગ્રી ધરાવે છે તેની હજી કોઇ જાણકારી હાથ લાગી નથી. જેથી વિકાસ જ્યાં નોકરી કરતો હતો ત્યાં તેમજ તેના અન્ય સંપર્ક સ્થાનેથી પોલીસ માહિતી એકત્રિત કરી રહી છે.
વિકાસ ડીવોર્સી અને પીડિતા અપરિણીત હોવાથી ફસાવી
પોલીસના કહ્યા પ્રમાણે,વિકાસ પટેલ ડીવોર્સી હોવાની અને પીડિતા અપરિણીત હોવાની માહિતી મળી છે.બ્યુટીપાર્લર ચલાવતી યુવતીને વિકાસે લગ્ન કરવાની ખાતરી આપી વિશ્વાસમાં લીધી હતી અને પીડિતાની મરજી નહિ હોવા છતાં શારીરિક સબંધો બાંધ્યા હતા.
