આ પણ વાંચો ટ્રેન્ડિંગ સમાચાર
Heavy Rain Alert : ફેબ્રુઆરીની શરૂઆતમાં જ હવામાનના બદલાયેલા મિઝાજે લોકોને ચોંકાવી દીધા છે. ઉત્તર ભારત સહિત દેશના અનેક ભાગોમાં સતત વરસાદ અને ઠંડા પવનોને કારણે ઠંડીમાં ભારે વધારો થયો છે. ભારતીય હવામાન વિભાગે ફરી એકવાર ગુજરાત સહિત 9 રાજ્યોમાં વરસાદ અને તેજ વાવાઝોડાને લઈને એલર્ટ જાહેર કર્યું છે.
14 ફેબ્રુઆરી સુધી ઠંડીમાંથી રાહત નહીં
હવામાન વિભાગની આગાહી મુજબ, આગામી 14 ફેબ્રુઆરી સુધી ઠંડીમાંથી રાહત મળે તેવી કોઈ શક્યતા દેખાઈ રહી નથી. વરસાદ દરમિયાન 55 થી 60 કિલોમીટર પ્રતિ કલાકની ઝડપે પવન ફૂંકાઈ શકે છે, જેના કારણે તાપમાનમાં વધુ ઘટાડો થશે.
ગુજરાત, રાજસ્થાન, મધ્ય પ્રદેશ
હવામાન વિભાગે ગુજરાત, રાજસ્થાન અને મધ્ય પ્રદેશમાં ખરાબ હવામાનની આશંકા વ્યક્ત કરી છે. આ રાજ્યોમાં ગાજવીજ સાથે વરસાદ અને તેજ પવન ફૂંકાવાની શક્યતા છે. રાજસ્થાન અને મધ્ય પ્રદેશમાં આગામી કેટલાક દિવસો સુધી વરસાદ અને ઠંડા પવનોને કારણે તાપમાન ગગડશે. ખેડૂતોને ખુલ્લા મેદાનમાં ન જવા અને સાવચેતી રાખવા સલાહ આપવામાં આવી છે.
ઉત્તર પ્રદેશ અને બિહાર
ઉત્તર પ્રદેશના અનેક જિલ્લાઓમાં 3 ફેબ્રુઆરીએ વરસાદ અને તેજ પવનની શક્યતા છે. આઝમગઢ, વારાણસી, પ્રયાગરાજ અને ઝાંસી સહિતના વિસ્તારોમાં હવામાન ખરાબ રહેશે. લખનૌ અને આગ્રા જેવા શહેરોમાં ઘનઘોર ધુમ્મસને કારણે વિઝિબિલિટી ઘટશે. બીજી તરફ બિહારમાં હાલ વરસાદની શક્યતા નથી, પરંતુ ગોપાલગંજ, સીવાન અને ચંપારણ જેવા જિલ્લાઓમાં ઘાટું ધુમ્મસ લોકોને પરેશાન કરી શકે છે.
આ પણ વાંચો : મુખ્ય ચૂંટણી કમિશનર સાથે મુલાકાત બાદ મમતા બેનરજી ભડક્યા
દિલ્હી, હરિયાણા, પંજાબ
દિલ્હી-એનસીઆરમાં હવામાન ફરી વળાંક લેશે અને 3 ફેબ્રુઆરીએ હળવો વરસાદ પડી શકે છે. દિલ્હીનું લઘુત્તમ તાપમાન 9 ડિગ્રી સુધી રહેવાની ધારણા છે. આ સાથે જ હરિયાણાના ગુરુગ્રામ, સોનીપત અને પંજાબના અમૃતસર, જાલંધર તથા લુધિયાણામાં શીતલહેર ચાલુ રહેવાની સંભાવના છે. ઉત્તર ભારતના કુલ 23 જિલ્લાઓમાં શીતલહેરનો પ્રકોપ જોવા મળશે.
હિમાચલ, ઉત્તરાખંડ, જમ્મુ-કાશ્મીર
પહાડી રાજ્યોમાં પરિસ્થિતિ વધુ પડકારજનક રહેશે. ઉત્તરાખંડના નૈનીતાલ અને ચમોલીમાં ભારે વરસાદની ચેતવણી આપવામાં આવી છે. હિમાચલ પ્રદેશના શિમલા, મનાલી અને કુલ્લુમાં ભારે વરસાદ અને હિમવર્ષાની શક્યતા છે, જ્યાં મનાલીમાં તાપમાન શૂન્યની નીચે જઈ શકે છે. જમ્મુ-કાશ્મીર અને લદ્દાખના ઊંચાઈવાળા વિસ્તારોમાં હિમવર્ષા ચાલુ રહેશે અને મેદાની વિસ્તારોમાં તેજ પવનનું યલો એલર્ટ જારી કરાયું છે.
શિયાળા ટાણે ચોમાસાની એન્ટ્રી !
નવેમ્બરથી ફેબ્રુઆરી દરમિયાન આ રાજ્યોમાં શિયાળો ખૂબ જ તીવ્ર હોય છે. ખાસ કરીને જમ્મુ-કાશ્મીર, લદ્દાખ, હિમાચલ પ્રદેશ અને ઉત્તરાખંડ જેવા પહાડી રાજ્યોમાં ભારે હિમવર્ષા થાય છે. રાજસ્થાન, હરિયાણા અને ઉત્તર પ્રદેશમાં જાન્યુઆરી મહિનામાં હાડ થીજવતી ઠંડી પડે છે. જ્યારે ગુજરાત અને મધ્ય પ્રદેશમાં વાતાવરણ પ્રમાણમાં ખુશનુમા રહેતું હોય છે, પરંતુ રાત્રિના સમયે ઠંડીનો અનુભવ થાય છે.
આ પણ વાંચો : સંસદમાં રાહુલ ગાંધીના નિવેદનથી ભાજપ આક્રમક, ગંભીર આક્ષેપો કર્યા
