આ પણ વાંચો ટ્રેન્ડિંગ સમાચાર
NHAI Toll Hike 2026 : નવા નાણાકીય વર્ષની શરૂઆત સાથે જ નેશનલ હાઈવે પર મુસાફરી કરવી મોંઘી બનશે. કેન્દ્ર સરકારે પહેલી એપ્રિલ-2026થી દેશભરના નેશનલ હાઈવે ટોલ પ્લાઝા પર ટોલ ટેક્સના દરોમાં અંદાજે 5 ટકાનો વધારો કરવાનો નિર્ણય લીધો છે.
વાર્ષિક પાસમાં પણ 75 રૂપિયાનો વધારો
સરકારે ખાનગી વાહન ચાલકો માટે ઉપલબ્ધ વાર્ષિક પાસની કિંમતમાં પણ વધારો કર્યો છે. અત્યાર સુધી 200 ટ્રિપ માટે જે વાર્ષિક પાસ 3000 રૂપિયામાં મળતો હતો, તેમાં નવા નાણાકીય વર્ષથી 75 રૂપિયાનો વધારો કરવામાં આવ્યો છે. આ નિર્ણયના અમલીકરણ સાથે જ દરરોજ મુસાફરી કરતા મુસાફરો, ખાનગી વાહન માલિકો અને પરિવહન વ્યવસાય સાથે જોડાયેલા લોકોએ હવે વધુ ખર્ચ કરવો પડશે.
આ પણ વાંચો : ‘મિડલ ઈસ્ટમાં યુદ્ધ જેવા ગંભીર મુદ્દા પર રાજકારણ કરવું યોગ્ય નહીં’, સંકટ મુદ્દે પ્રિયંકા ગાંધીએ સંસદમાં ચર્ચાની કરી માંગ
વાર્ષિક પાસની કિંમતમાં કેમ વધારો કરાયો?
ઉલ્લેખનીય છે કે, સરકાર દ્વારા દર વર્ષે નવા નાણાકીય વર્ષની શરૂઆતમાં ટોલના દરોની સમીક્ષા કરવામાં આવે છે, જેના ભાગરૂપે આ વર્ષે પણ શુલ્કમાં વધારો કરવામાં આવ્યો છે. અધિકારીઓના જણાવ્યા અનુસાર, રસ્તાઓની જાળવણી, મરામત અને બહેતર ઈન્ફ્રાસ્ટ્રક્ચર પૂરું પાડવાના ઉદ્દેશ્યથી આ વધારો કરવામાં આવ્યો છે.
સામાન્ય જનતા અને ટ્રાન્સપોર્ટ સેક્ટર પર સીધી અસર
ટોલ ટેક્સમાં વધારાની સીધી અસર એવા લોકો પર પડશે જેઓ દરરોજ કામકાજ કે વ્યાપાર અર્થે નેશનલ હાઈવેનો ઉપયોગ કરે છે. ખાસ કરીને નાના વેપારીઓ અને ટ્રાન્સપોર્ટ સેક્ટર સાથે જોડાયેલા લોકોના ખર્ચમાં વધારો થવાની શક્યતા છે. આ ઉપરાંત, માલસામાનના પરિવહનનો ખર્ચ વધવાથી અંતે તેની અસર સામાન્ય જનતાના ખિસ્સા પર પણ પડી શકે છે.
આ પણ વાંચો : રૂપિયામાં રૅકોર્ડ કડાકો: ડૉલર સામે પ્રથમવાર 95ને પાર, RBIની દખલ છતાં કેમ તૂટ્યું ભારતીય ચલણ?
