આ પણ વાંચો ટ્રેન્ડિંગ સમાચાર
વડોદરાઃ વડોદરા શહેરમાં સ્ટેટ મોનિટરિંગ સેલના દરોડા બાદ સ્થાનિક પોલીસ એકાએક દોડતી થઇ ગઇ છે,જેને પરિણામે આજે ગોરવાના રમેશનગરમાંથી પોલીસે ૧૩ લાખના દારૃ સાથે બે જણાને ઝડપી પાડયા હતા.
શહેરમાં લાંબા સમયથી દારૃના મોટા કન્સાઇનમેન્ટ ઉતરી રહ્યા હોવા છતાં સ્થાનિક પોલીસને તેની ગંધ આવતી નહતી.પરંતુ સ્ટેટ મોનિટરિંગ સેલની ટીમો ગાંધીનગરથી આવીને લાખોની કિંમતનો દારૃ પકડતી હતી. બે દિવસ પહેલાં પણ એસએમસીએ નંદેસરી માંથી દારૃ સહિત ૧.૪૦ કરોડની મતા કબજે કરી સૂત્રધાર લાલુ સિન્ધી અને સુનિલ અદા ના નેટવર્કની તપાસ કરી રહી છે.
એસએમસીના ઉપરાછાપરી દરોડાને પગલે સ્થાનિક પોલીસ ઉઘાડી પડતાં હવે દરોડા પાડવાનું શરૃ કર્યંુ છે.જેમાં ડીસીપી ઝોન-૧ના સ્કવોડે ગોરવા કેનાલ પાસે રમેશ નગરમાં દરોડો પાડી રૃ.૧૩લાખ ઉપરાંતની કિંમતની ૨૧૪૩ બોટલ,એક રિક્ષા અને મોબાઇલ મળી રૃ.૧૫ લાખની મતા કબજે કરી છે.
પોલીસે ખાલીદ કાસમભાઇ શેખ(રમેશ નગર) અને મો.યુનુસ ઝાકીરભાઇ શેખ(સાંઇ નાથ નગર,કરોડિયારોડ)ને ઝડપી પાડયા હતા.જ્યારે,ઇમરાન ઇબ્રાહીમ રાઠોડ(મોમિન પાર્ક,નવાયાર્ડ)ને વોન્ટેડ જાહેર કર્યો છે.
