આ પણ વાંચો ટ્રેન્ડિંગ સમાચાર
વડોદરા,શહેરના વારસિયા વિસ્તારની સોસાયટીમાં રહેતા માતા અને પુત્રી ધૂળેટી રમવા માટે સંબંધીના ઘરે ગયા ત્યારે જ તેમના ઘરે ચોરી થઇ હતી. આ ગુનામાં વારસિયા પોલીસે એક કિશોર સહિત પાંચને ઝડપી પાડયા છે.
વારસિયા વિસ્તારની મીરા સોસાયટીમાં રહેતા પાયલબેને વારસિયા પોલીસ સ્ટેશનમાં નોંધાવેલી ફરિયાદમાં જણાવ્યું હતું કે, તા.૪થીએ ધૂળેટી હોવાથી પતિ હોટલ પર હતા. હું અને મારી પુત્રી હિયા બંને સાંજે છ વાગે ધૂળેટી રમવા પ્રતાપનગર ખાતે મારા પિયરમાં ગયા હતાં. તે દરમિયાન ૭.૩૩ લાખની ચોરી થઇ હતી. આ ગુનામાં વારસિયા પી.આઇ. વાય.જી.મકવાણાને મળેલી માહિતીના આધારે (૧) ગુલામ ખ્વાઝા મહંમદસાબીર શેખ ,ઉં.વ.૨૨(રહે. ફાગવેલ નગર, તુલસીવાડી, મૂળ રહે. યુ.પી.) (૨) અલ્તાફ કૈયુબઅહેમદ શેખ, ઉં.વ.૧૯ (રહે.કે.જી.એન. પાર્ક એકતાનગર, આજવારોડ) (૩) રીહાન રસીદઅહેમદ શેખ,ઉ.વ.૧૮ (રહે.લક્ષ્મીનગર, આજવારોડ) ને ઝડપી પાડયા હતા. ત્રણેય આરોપીઓ મૂળ યુ.પી.ના છે. પોલીસે આરોપીઓ પાસેથી ૨.૯૭ લાખના દાગીના કબજે કર્યા છે.ગુલામ ખ્વાઝાને તેને મહિલા મિત્ર દ્વારા ટીપ આપવામાં આવી હતી કે, મારી બહેનપણીના ઘરે તિજોરીના લોકરમાં સોના ચાંદીના દાગીના અને રોકડ રકમ છે. જેથી, આરોપીઓએ ચોરીની યોજના ઘડી હતી.
