આ પણ વાંચો ટ્રેન્ડિંગ સમાચાર
નર્મદા કિનારે ૐકારેશ્વર અને મામલેશ્વરના ધામમાં પહોંચી રામકથા યાત્રા
તા.15
શ્રી મોરારિબાપુના વ્યાસાસને પ્રારંભ થયેલ રામકથા યાત્રા નર્મદા કિનારે ૐકારેશ્વર અને મામલેશ્વરના ધામમાં પહોંચી હતી. વ્યાસપીઠ પરથી શ્રી મોરારિબાપુએ સ્થાન મહાત્મ્ય રજૂ કરતાં કહ્યું કે, નવનાદમાં પ્રથમ ‘ૐ કાર’ પ્રણવનાદ, જે ૐકારેશ્વરનો નાદ છે.
‘મંગલ ભવન અમંગલ હારી….’ ચોપાઈ પંકિતઓ કેન્દ્રમાં રાખી શ્રી મોરારિબાપુના વ્યાસાસને કન્યાકુમારીથી પ્રારંભ થયેલ આ રામકથા રેલયાત્રા મધ્યપ્રદેશમાં નર્મદા કિનારે ૐકારેશ્વર સ્થાનમાં પહોંચી હતી.
ૐકારેશ્વર અને મામલેશ્વરના ધામમાં આ યાત્રા પહોંચી હતી, ત્યારે શ્રી મોરારિબાપુએ છઠ્ઠા દિવસની કથા પ્રારંભ કરતાં ૐકારેશ્વર તથા મામલેશ્વર સાથે રેવા નર્મદા મૈયાની વંદના કરી.
ક્થા ગાન કરતાં શ્રી મોરારિબાપુએ ‘નવનાદ’ મહિમા વર્ણવેલ. શંખનાદ, વેણુનાદ, સિંહનાદ, મેઘનાદ, ડમરૂનાદ… વગેરે નાદ ઉલ્લેખ વર્ણન કરતાં નવનાદમાં પ્રથમ ‘ૐ કાર’ પ્રણવનાદ, જે ૐકારેશ્વરનો નાદ છે, તેમ જણાવ્યું. આ પહેલાં ભારત વર્ષના નવનાથ, નવમી તિથિ રામ પ્રાગટ્ય, નવરંગ, નવખંડ, ભક્તિ નવ નિધિ નવ… વગેરે દ્રષ્ટાંત ચિંતન સાથે સમજાવવામાં આવેલ.
શ્રી મોરારિબાપુના વ્યાસાસને ગત શનિવાર તા.૧૦ના કન્યાકુમારી તીર્થ સ્થાનથી આ રામકથા પ્રારંભ થયો છે. ક્થાયાત્રા કન્યાકુમારીથી કાલડી, શ્રૃંગેરી, હમ્પી, તુલજાપુર થઈને ઓમકારેશ્વર ધામમાં પહોંચી હતી. ક્થાના છઠ્ઠા દિવસે ઝાંસીમાં લાભ મળશે, બાદ ક્રમશઃ મથુરા, કુરુક્ષેત્ર, વાઘા સરહદ, જમ્મુ થઈને કેદારનાથ તીર્થમાં શુક્રવાર તા.૨૩ના દિવસે આ ક્થા યાત્રા સમાપન થશે.
