આ પણ વાંચો ટ્રેન્ડિંગ સમાચાર
ગુજરાત ઉર્જા સંયુક્ત સંકલન સમિતિ અને અખિલ ગુજરાત વિદ્યુત કામદાર સંઘના આદેશ અનુસાર, પશ્ચિમ ગુજરાત વીજ કંપની લિમિટેડ (PGVCL) ના કર્મચારીઓના લાંબા સમયથી પડતર પ્રશ્નોના નિરાકરણ માટે આજે ગઢડા ડિવિજન ખાતે ઉગ્ર વિરોધ પ્રદર્શન કરવામાં આવ્યું હતું.
કાળી પટ્ટી અને ‘વર્ક ટુ રૂલ’ દ્વારા આક્રોશ
આજે ગઢડા ડિવિજન કચેરી તેમજ રૂરલ-૧ અને રૂરલ-૨ સબ ડિવિજનના તમામ કર્મચારીઓએ ફરજ દરમિયાન હાથ પર કાળી પટ્ટી ધારણ કરી વિરોધ નોંધાવ્યો હતો. આંદોલનના ભાગરૂપે કર્મચારીઓએ ‘વર્ક ટુ રૂલ’ (નિયમાનુસાર કામગીરી) નું ચુસ્ત પાલન કર્યું હતું, જેમાં:
તમામ સ્ટાફ સવારે ૧૦:૩૦ કલાકે હાજર થયો અને સાંજે ૬:૧૦ કલાકે ઓફિસ છોડી હતી.
સોંપેલ ફરજ સિવાયની કોઈપણ વધારાની કામગીરીનો સંપૂર્ણ બહિષ્કાર કરવામાં આવ્યો હતો. સંગઠન શક્તિનું પ્રદર્શન આ કાર્યક્રમમાં અખિલ ગુજરાત વિદ્યુત કામદાર સંઘના અગ્રણી હોદ્દેદારો વિશેષ ઉપસ્થિત રહ્યા હતા:જે. બી. દેવમુરારી – ડેપ્યુટી જનરલ સેક્રેટરી (ટેકનિકલ)
બી. બી. હિહોરીયા – એડિશનલ જનરલ સેક્રેટરી
ડી. એચ. લાંબડીયા – ડિવિઝન સેક્રેટરી
ડિવિઝન ઓફિસના તમામ કર્મચારી ભાઈઓ અને બહેનોએ એકત્રિત થઈને પોતાની એકતા દર્શાવી હતી અને મેનેજમેન્ટ સામે ન્યાયની માંગ કરી હતી.
“જ્યાં સુધી કર્મચારીઓના વાજબી પ્રશ્નોનું નિરાકરણ નહીં આવે, ત્યાં સુધી આ લડત વધુ ઉગ્ર બનાવવામાં આવશે.” – સંઘના હોદ્દેદારો
આગામી રણનીતિ: ૧૬ માર્ચે રાજકોટમાં મહા-ધરણા
જો સરકાર અને તંત્ર દ્વારા આગામી દિવસોમાં સકારાત્મક નિર્ણય લેવામાં નહીં આવે, તો આ આંદોલન આગામી ૧૬ માર્ચ ૨૦૨૬ ના રોજ રાજકોટ સ્થિત PGVCL ની કોર્પોરેટ ઓફિસ ખાતે પહોંચશે.
ત્યાં રાજ્યભરના કર્મચારીઓ દ્વારા વિશાળ ધરણા અને સૂત્રોચ્ચારનો કાર્યક્રમ યોજીને વિરોધ પ્રદર્શિત કરવામાં આવશે.
ગઢડા ડિવિજનના કર્મચારીઓએ મક્કમ નિર્ધાર સાથે જણાવ્યું હતું કે હક અને ન્યાય માટે આ આંદોલન અવિરત ચાલુ રહેશે.
