આ પણ વાંચો ટ્રેન્ડિંગ સમાચાર
અમદાવાદ,બુધવાર
એસ.પી.રિગ રોડ ઉપર બેફામ વાહન હંકારવાના કારણે દિન પ્રતિદિન હિટ એન્ડ રન તથા અકસ્માતમાં મોતના બનાવો વધી રહ્યા છે. હાથીજણ સર્કલ પાસે ટ્રક ચાલકે ટુ વ્હીલર ટક્કર મારતા યુવકને માથા સહિત શરીરે ગંભીર ઇજાઓ થતાં સ્થળ ઉપર મોત થયું હતું. આ બનાવ અંગે ટ્રાફિક પોલીસે ગુનો નોંધી સીસીટીવી ફૂટેજ આધારે વધુ તપાસ હાથ ધરી છે.
ટ્રક ચાલકે ટુ વ્હીલરને જોરદાર ટક્કર મારતાં યુવકને માથા અને મોંઢામાં ગંભીર ઇજાથી લોહી લુહાણ હાલતમાં સ્થળ ઉપર મોત
વસ્ત્રાલ મહાદેવનગર ટેકરા પાસેના એપાર્ટમેન્ટમાં રહેતી મહિલાએ ટ્રાફિક જે ડિવિઝન પોલીસ સ્ટેશનમાં અજાણ્યા ટ્રકના ચાલક સામે ફરિયાદ નોંધાવી છે કે તેમના પતિ હાથીજણ સર્કલ પાસે ધંધાના કામે જવાનું કહીને ગયા હતા ત્યારે ગઇકાલે રાતે ૯ વાગે પડોશીએ આવીને કહ્યું કે તમારા પતિને અકસ્માત થયો છે.
ફરિયાદી મહિલા રિક્ષામાં બેસીને હાથીજણ સર્કલ પાસે ગયા હતા જ્યાં વડોદરા એક્સપ્રેસ હાઇવે ચઢવાના કટ પાસે તેમના પતિ રોડ ઉપર પડેલા હતા તેમના માથાના પાછળના ભાગે ઉપરના દાંતના જડબામાં ઇજાના કારણે લોહી નીકળતાં સ્થળ ઉપર જ મોત થયું હતું. આ ઘટના અંગે ટ્રાફિક પોલીસે ગુનો નોંધી સીસીટીવી ફૂટેજ આધારે ફરાર ટ્રક ચાલકની શોધખોળ કરવાની કાર્યવાહી હાથ ધરી છે.
