મહિલા સશક્તિકરણ માટે પ્રોગ્રેસિવ ફાઉન્ડેશન ઓફ હ્યુમન રાઈટ્સ નો ભવ્ય સન્માન સમારોહ

અમદાવાદ : 8 માર્ચના રોજ ઇન્ટરનેશનલ વુમન્સ ડે નિમિત્તે પ્રોગ્રેસિવ ફાઉન્ડેશન ઓફ હ્યુમન રાઈટ્સ દ્વારા અમદાવાદની હોટલ સિલ્વર ક્લાઉડ ખાતે ભવ્ય સન્માન સમારોહનું આયોજન કરવામાં આવ્યું હતું. આ કાર્યક્રમનું મુખ્ય ધ્યેય સમાજમાં મહિલાઓના હક્ક અને સશક્તિકરણ અંગે જાગૃતિ ફેલાવવાનું હતું.

આ સન્માન સમારોહનું આયોજન સંસ્થાના રાકેશ પાંડે દ્વારા કરવામાં આવ્યું હતું, જેમાં ગુજરાતી ફિલ્મ ઇન્ડસ્ટ્રી સાથે જોડાયેલા અનેક મહાનુભાવોનું સન્માન કરવામાં આવ્યું. કાર્યક્રમમાં ખાસ મહેમાન તરીકે બોલીવુડના જાણીતા સંગીતકાર દિલીપ સેન તેમજ CBFC (સેન્ટ્રલ બોર્ડ ઓફ ફિલ્મ સર્ટિફિકેશન) ના એડવાઇઝરી મેમ્બર જનક ઠક્કર હાજર રહ્યા હતા.

કાર્યક્રમનું સંચાલન ઉષા ભાટીયાએ ખૂબ જ સુંદર રીતે સંભાળ્યું હતું, જેના કારણે સમગ્ર કાર્યક્રમમાં એક વિશેષ ઊર્જા અને ગૌરવનો માહોલ જોવા મળ્યો હતો.

પ્રોગ્રેસિવ ફાઉન્ડેશન ઓફ હ્યુમન રાઈટ્સના રાકેશ પાંડે છેલ્લા ઘણા વર્ષોથી ગુજરાત તથા ગુજરાત બહાર પણ મહિલાઓના હક્ક અને સશક્તિકરણ માટે આવા જાગૃતિમૂલક કાર્યક્રમો યોજતા આવ્યા છે, જે સમાજ માટે પ્રેરણારૂપ બની રહ્યા છે

ઇન્ટરનેશનલ વુમન્સ ડે ના દિવસે આ ફંકશનનું આયોજન કરવામાં આવ્યું હતું