આ પણ વાંચો ટ્રેન્ડિંગ સમાચાર
Sayla Mines Surendranagar : સુરેન્દ્રનગરના સાયલા તાલુકાના સુદામડામાં ગેરકાયદે ચાલતી ખાણોમાં ખનીજ માફિયાઓના કાળા કારોબાર પર પોલીસે દરોડા પાડ્યા હતા. જેમાં સુદામડાની ખાણોમાં લાયસન્સની આડમાં બ્લાસ્ટિંગ કરવા માટે વપરાતા એક્સપ્લોઝિવનું મોટું નેટવર્ક પોલીસે ઝડપી પાડ્યું છે.
સાયલામાં ગેરકાયદે ચાલતી ખાણોમાં પોલીસના દરોડા
મળતી માહિતી મુજબ, સાયલાના સુદામડામાં લાયસન્સની આડમાં બંધ ક્વોરીના નામે ખોટા બીલો બનાવીને ગેરકાયદે રીતે વિસ્ફોટકો સપ્લાય કરવામાં આવતા હતા. ગેરકાયદે ખાણોમાં એક્સપ્લોઝિવથી બ્લાસ્ટિંગ કરીને પથ્થર ચોરી કરવામાં આવતી હતી.
રૂ.16.71 લાખનો મુદ્દામાલ જપ્ત
સમગ્ર મામલે પોલીસને જાણ થતાં ઘટનાસ્થળે દરોડા પાડ્યા હતા. જેમાં 185 પેટી એક્સપ્લોઝિવ અને કેપ, તેમજ એક્સપ્લોઝિવથી સપ્લાયમાં વપરાતા ત્રણ વાહનો મળી કુલ 16.71 લાખનો મુદ્દામાલ સાયલા પોલીસે જપ્ત કર્યો છે.
આ પણ વાંચો: પાલનપુર હાઈવે પર ANTFનો સપાટો: રૂ.5 લાખના મેફેડ્રોન ડ્રગ્સ સાથે રાજસ્થાનના 2ની ધરપકડ
તપાસમાં સામે આવ્યું છે કે, ખોડિયાર એજન્સીના નામે એક્સપ્લોઝિવનું લાયસન્સ મેરુ લળતુકા ચલાવતો હતો. આ લાયસન્સની આડમાં બંધ ઓમ કવોરીના નામે એક્સપ્લોઝિવ સપ્લાય થતું હતુ. મોટા પ્રમાણમાં ઝડપાયેલું એક્સપ્લોઝિવ ગેરકાયદે ખાણામાં વપરાતું હોવાનું જણાય છે.
