આ પણ વાંચો ટ્રેન્ડિંગ સમાચાર
Unseasonal Rain In Gujarat : રાજ્યમાં કચ્છ-સૌરાષ્ટ્ર, અમદાવાદ સહિતના અનેક વિસ્તારોમાં ભારે પવન ફૂંકાવવાની સાથે કમોસમી વરસાદ ખાબક્યો છે. આજે (19 માર્ચ) રાત્રે 8 વાગ્યા સુધીમાં 72 તાલુકામાં માવઠું થયુ છે. જેમાં સૌથી અમરેલીના બગસરામાં 1.61 ઇંચ કમોસમી વરસાદ ખાબક્યો છે.
72 તાલુકામાં માવઠું
સ્ટેટ ઇમરજન્સી ઓપરેશન સેન્ટર(SEOC)ના આંકડા મુજબ, આજે ગુરુવારે સુરેન્દ્રનગરના ચોટીલા, રાજકોટ, જૂનાગઢના ભેસાણ તાલુકામાં 1 ઇંચથી વધુ વરસાદ વરસ્યો છે.
જ્યારે રાજકોટના ઉપલેટા, ધોરાજી, અમરેલીના સાવરકુંડલા, ધારી, દેવભૂમિ દ્વારકા, વાવ-થરાદના ભાભર, સુરેન્દ્રનગરના ચુડા, જામનગરના લાલપુર, જૂનાગઢના વિસાવદર સહિત કુલ 68 તાલુકામાં 1 ઇંચથી ઓછો વરસાદ થયો છે.
આ પણ વાંચો: જામનગરમાં હેવી વીજ લાઇનના બે ટાવર ભારે પવનથી ભોંય ભેગા, 7 જિલ્લામાં રેડ એલર્ટ જાહેર
ખેડૂતોમાં ભારે ચિંતા
રાજ્યમાં ભારે પવન, કરા સાથે કમોસમી વરસાદના કારણે ખેડૂતોના તૈયાર પાકને વ્યાપક નુકસાન થવાની ભીતિ સેવાઈ રહી છે, જેને પગલે ખેડૂતોમાં ભારે ચિંતા જોવા મળી રહી છે. ખેડૂતોના તૈયાર થયેલા અને ખેતરમાં ઉભેલા પાકને નુકસાનથી બચાવવા માટે રાજ્યના કૃષિ વિભાગ દ્વારા અગાઉથી જ સાવચેતીના પગલાં સૂચવતી વિશેષ એડવાઇઝરી જાહેર કરવામાં આવી છે.
