આ પણ વાંચો ટ્રેન્ડિંગ સમાચાર
પ્રતાપનગર- સોમા તળાવ માર્ગ પર ઓવરલોડ અને જોખમી સામાન સાથેના વાહનો બેફામ દોડેછે. કોઈ મોટી દુર્ઘટનાન સર્જાય તે માટે તંત્ર તાત્કાલિક કડક કાર્યવાહી કરીને આવા જોખમી વાહન વ્યવહાર પર લગામ લગાવે તેવી લોકમાગ છે.
પ્રતાપનગર-સોમા તળાવ માર્ગ પર મોટા પ્રમાણમાં કારખાના આવેલા હોવાથી અહીં ભારે વાહનવ્યવહાર સતત રહે છે. કારખાનાઓમાંથી લોખંડની મોટી પ્લેટો, લાંબી એંગલો, સળિયા, પાઈપો તેમજ ભંગાર જેવી સામગ્રી લઈને વાહનો મોટી સંખ્યામાં અવરજવર કરે છે.
ઘણી વખત વાહનોમાં ભરાયેલ સામાન જોખમી રીતે લટકતો નજરે પડે છે. પીકઅપ તથા ટેમ્પો જેવા નાના વાહનોમાં પણ ભારે અને લાંબી સામગ્રી બેદરકારીપૂર્વક લાદવામાં આવે છે, જે અન્ય વાહનચાલકો માટે જોખમ ઊભું કરે છે.
આ માર્ગ પર શાળા આવેલ હોવાથી પરિસ્થિતિ વધુ સંવેદનશીલ બની છે. ખાસ કરીને પ્રતાપનગર બ્રિજ પર ઓવર ડાયમેન્શન સાથેના વાહનો ચઢતા જોવા મળે છે, જેના કારણે પાછળથી આવતા વાહનોને અકસ્માતનો ભય સતાવતો રહે છે.
આ માર્ગ પર ટ્રાફિક પોલીસની હાજરી હોવા છતાં આવા નિયમભંગ કરતા વાહનો બિન્દાસ્ત પસાર થાય છે, જેના કારણે પોલીસની કામગીરી સામે પણ સવાલો ઊભા થયા છે.
