આ પણ વાંચો ટ્રેન્ડિંગ સમાચાર
અમદાવાદ, સંજીવ રાજપૂત, એબીએનએનએસ: અમદાવાદમાં ગરમી વધવાની ચેતવણી વચ્ચે ટ્રાફિક પોલીસને ‘કૂલિંગ જેકેટ’થી રાહત મળશે.
અમદાવાદમાં ગરમીની શરૂઆતમાં જ પારો 40 ડીગ્રીએ પહોંચતા ભારે ગરમીનો અહેસાસ જોવા મળી રહ્યો છે ત્યારે આવા અગ્નિ વરસાવતા તાપમાં ટ્રાફિક કર્મીઓ સતત પોતાની ફરજ પર ઉભા રહેતા જોવા મળે છે અને આગામી દિવસોમાં ગરમી વધવાની પૂરેપૂરી શક્યતા વ્યક્ત કરવામાં આવી રહી છે.
આ બાબતને ધ્યાનમાં રાખીને અમદાવાદ શહેર ટ્રાફિક પોલીસે નવી પહેલ શરૂ કરવામાં આવી છે. ટ્રાફિક જવાનોને ગરમીથી રાહત આપવા માટે ખાસ ‘કૂલિંગ જેકેટ્સ’ આપવામાં આવ્યા છે.
ટ્રાફિક એડમીન ચિરાગ પટેલે જણાવ્યું હતું કે આ જેકેટમાં બે કૂલિંગ ફેન અને કોલર પાસે કૂલિંગ જેલ લગાવવામાં આવ્યું છેજે શરીરને ઠંડક આપીને ગરમીનો અસર ઘટાડે છે. આ જેકેટ પહેરવાથી શરીરનું તાપમાન આશરે 7 થી 8 ડિગ્રી ઓછું અનુભવાય છે સાથે જ બેટરી એક વખત ચાર્જ કર્યા પછી લગભગ 10 કલાક સુધી ચાલે છે. ટ્રાફિક વિભાગના અધિકારીઓ મુજબ આ પહેલથી જવાનોને મોટી રાહત મળી રહી છે જેને કારણે તેઓને પોતાનું કાર્ય ઝડપી કરવા અને સજ્જ રહેવા વિશ્વાસ મળશે..ગરમીના વધતા પ્રકોપ વચ્ચે આ પહેલ મહત્વપૂર્ણ સાબિત થઈ રહી છે.
