આ પણ વાંચો ટ્રેન્ડિંગ સમાચાર
Vadodara Corporation : એક તરફ કોર્પોરેશનના ખર્ચ દિવસે ને દિવસે વધી રહ્યા છે ત્યારે બીજી તરફ પાલિકાએ ગત નાણાકીય વર્ષ માટે વેરા વસુલાતનો મુકેલો લક્ષ્યાંક સિદ્ધ થઈ શક્યો નથી. પાલિકાએ વર્ષ 2025-26 માટે કુલ રૂ.790 કરોડનું લક્ષ્યાંક મૂક્યો હતો. જેની સામે માત્ર રૂ.741.70 કરોડની આવક થઈ છે. અગાઉના વર્ષના બજેટમાં જે લક્ષ્યાંક મૂકવામાં આવ્યો હતો તે જ યથાવત રાખવા છતાં બાકી વેરા વસૂલાતમાં તંત્રની કામગીરી નબળી હોવાનું ફલિત થયું છે.
પાલિકાએ વર્ષ 2025-26માં વેરા વસુલાત પેટે રૂ.790 કરોડનો લક્ષ્યાંક મૂક્યો હતો. આ લક્ષ્યાંક ગત વર્ષના બજેટ જેટલો જ રાખવામાં આવ્યો હતો અને તેમાં કોઈપણ પ્રકારનો વધારો કરવામાં આવ્યો ન હતો. વળી, આ વર્ષે પણ બાકી વેરા વસુલાતમાં વિવિધ પ્રકારની રાહતો જાહેર કરવામાં આવી હતી. જેથી ચાલુ વર્ષે વેરા વસુલાતની બાકી પડતી રકમમાં નોંધપાત્ર ઘટાડો થાય એવું અનુમાન હતું. તેમ છતાં પાલિકાએ વેરા વસુલાત કરવાનો આંક સિદ્ધ કરવામાં સફળતા મેળવી ન હતી. પાલિકાએ નાણાકીય વર્ષ 2025-26માં રૂ.790 કરોડના લક્ષ્યાંક સામે રૂ.741,69,02,777ની વસુલાત રકમ મેળવી હતી. જે નિયત કરેલા લક્ષ્યાંકથી રૂ.48.30 કરોડ ઓછી છે. એક તરફ જ્યારે પાલિકામાં દિવસે ને દિવસે ખર્ચનું ભારણ વધી રહ્યું છે અને આવક વધવાના બદલે વીરા વસુલાતના લક્ષ્યાંક સુધી પણ પહોંચી શકાતું નથી ત્યારે તેવા સંજોગોમાં આગામી દિવસોમાં પાલિકાની આર્થિક સ્થિતિ વધુ કટોકરીભરી બની શકે તેમ છે. જો આવી જ પરિસ્થિતિ યથાવત રહી તો પાલિકાએ રાજ્ય સરકારના નાણા ભંડોળ અથવા પોતાની એફડી તોડી બાકી રકમના ચૂકવણા કરવા પડે તેવું નિર્માણ થાય એવું અનુમાન છે.
