અમદાવાદ, મંગળવાર
વટવામાં રહેતી ૧૩ વર્ષની સગીરા બે વર્ષ પહેલા વિસ્તારના યુવકના પ્રેમમાં પડી હતી બન્ને નાસ્તો કરવા હરતા ફરતા હતા ચાર દિવસ પહેલા લગ્નની લાલચ આપીને પ્રેમી સગીરાને ભગાડીને જતો રહ્યો હતો. સુરત અને મધ્ય પ્રદેશ ફરીને ત્રણ દિવસે સગીરા પરત આવી હતી. સગીરાના જણાવ્યા મુજબ યુવકે ભાગીને લગ્ન કરવાની વાત કરીને લઇ ગયો હતો. યુવકે લક્ઝરી બસમાં સગીરા સાથે શારિરીક અડપલા કરીને છેડતી કરી હતી આ બનાવ અંગે વટવા પોલીસે યુવક સામે છેડતીનો ગુનો નોંધી સગીરાની મેડિકલ તપાસ કરવાની પ્રક્રિયા હાથ ધરી છે.
બે વર્ષ પહેલા પ્રેમ સંબંધ થયો, વટવામાં લગ્નની લાલચ આપી અમદાવાદથી સુરત, મધ્ય પ્રદેશ જઇને ત્રણ દિવસે પાછા આવ્યા વટવા પોલીસ દ્વારા મેડિકલ તપાસ શરુ
વટવા વિસ્તારમાં રહેતી અને શાકભાજીનો વ્યવસાય કરતી મહિલાએ વટવા પોલીસ સ્ટેશનમાં વટવામાં રહેતા આશિષ સામે ફરિયાદ નોંધાવી છે કે તેણીએ કડિયાકામ કરતા યુવક સાથે બીજા લગ્ન કર્યા હતા તેમને સંતાનમાં ૧૩ વર્ષની દિકરી હતી. મહિલા અને તેમના પતિ તા. ૧૦ના રોજ કામ ધંધે ગયા હતા મહિલા સવારે ૮ વાગે શારભાજી લેવા ગઇ હતી અને બે કલાક બાદ પરત ઘરે આવી ત્યારે ઘરે સ્ટોપર મારેલી હતી મહિલાએ ઘખર ખોલીને જોયું તો તેમની સગીર વયની દિકરી ઘરે ન હતી જેથી પતિને વાત કરતાં દિકરીની સગા સંબંધીના ત્યાં શોધખોળ કરવા છતાં દિકરી મળી ન હોવાથી વટવા પોલીસ સ્ટેશન ગુમની ફરિયાદ કરી હતી.
દરમિયાન ત્રણ દિવલ પછી દીકરી જાતે ઘરે આવી હતી. માતાએ પૂછપરછ કરતાં દિકરીએ કહ્યું કે બે વર્ષ પહેલા વિસ્તારના આશિષ નામના યુવકના પ્રેમમાં પડી હતી બન્ને નાસ્તોે કરવા અને અવાર નવાર ફરવા જતા હતા. ચાર દિવસ પહેલા યુવકે લગ્નની લાલચ આપીને ભાગીને લગ્ન કરવાની વાત કરતાં સગીરા તેની વાતમાં આવી ગઇ હતી. જેથી ચાર દિવસ પહેલા પ્રેમી સાથે સગીરા રિક્ષામાં બેસીને ઓડ કમોડ ખાતે માતાજીના મંદિર ગયા હતા અને અમદાવાદ સીટીએમ ખાતેથી લકઝરી બસમાં બેસીને સુરત અને મધ્ય પ્રદેશ ફરીને ત્રણ દિવસે સગીરા પરત આવી હતી. સગીરાના જણાવ્યા મુજબ યુવકે લક્ઝરી બસમાં તેની સાથે શારિરીક અડપલા કરીને છેડતી કરી હતી.
