આ પણ વાંચો ટ્રેન્ડિંગ સમાચાર
વડોદરાઃ એમ.એસ.યુનિવર્સિટીની આર્ટસ ફેકલ્ટીમાં ઓલ ઈન્ડિયન ડેમોક્રેટિક સ્ટુડન્ટ સંગઠનના વિદ્યાર્થીઓને નેતાજી સુભાષચંદ્ર બોઝની જન્મ જયંતીની ઉજવણી કરતા રોકવામાં આવ્યા હતા.જેના વિવાદ સર્જાયો હતો.
સંગઠનનું કહેવું છે કે, અમે દર વર્ષે આર્ટસ ફેકલ્ટીમાં જન્મ જયંતિની ઉજવણીના ભાગરુપે નેતાજી સુભાષચંદ્ર બોઝના ફોટાને પુષ્પાંજલિ અર્પણ કરીએ છે અને તેમના ફોટોગ્રાફને રજૂ કરીએ છે.આજે અમે આ કાર્યક્રમ યોજી રહ્યા હતા ત્યારે સિક્યુરિટી અને અધ્યાપકોએ અમને રોકયા હતા ઉપરાંત આર્ટસ ફેક્લ્ટીના ડીને તમે મંજૂરી વગર કેમ કાર્યક્રમ કર્યો તેમ કહીને વિદ્યાર્થીઓને અપમાનિત કર્યા હતા.એટલું જ નહીં તેમણે લેખિત માફીપત્ર લખી આપવાની માગ કરી હતી.
સંગઠને કહ્યું હતું કે, આ સામાન્ય ઘટના નથી.આ કાર્યક્રમને રોકીને નેતાજી સુભાષચંદ્ર બોઝનું પણ અપમાન કરવામાં આવ્યું છે.જેનાથી યુનિવર્સિટીની ગરીમાને કલંક લાગ્યું છે.આ અપમાન બદલ ફેકલ્ટી ડીને માફી માગવી જોઈએ.
