આ પણ વાંચો ટ્રેન્ડિંગ સમાચાર
અમદાવાદ,બુધવાર
અમરાઇવાડીમાં રિક્ષા રોકીને તારો ભાઇ કે મારી પોલીસમાં બાતમી આપે છે કહીને લાફા તથા લાતો મારીને માથામાં લાકડીના ફટકા મારીને યુવકને લોહી લુહાણ કરીને મારી નાંખવાની ધમકી આપીને નાસી ગયા હતા. આ બનાવ અંગે અમરાઇવાડી પોલીસે ત્રણ લોકો સામે ગુનો નોંધી વધુ તપાસ હાથ ધરી છે.
અમરાઇવાડીમાં રિક્ષા રોકીને લાફા લાતો મારીને લાકડીથી હુમલો કરી મારી નાંખવાની ધમકી આપી
અમરાઇવાડીમાં રહેતા અને રિક્ષા ચલાવીને પરિવારનું ગુજરાન ચલાવતા યુવકે અમરાઇવાડી પોલીસ સ્ટેશનમાં ત્રણ લોકો સામે ફરિયાદ નોંધાવી છે કે તા. ૧૯ના રોજ રાતે ૧૧.૩૦ વાગે ધંધો કરીને રિક્ષા લઇને પરત આવતો હતો તે સમયે નેશનલ હેન્ડલુમ સામે પરદેશીનગરના ગેટ પાસે આરોપીઓએ રિક્ષા રોકી હતી.
આરોપીઓ પૈકી એક શખ્સે તારો ભાઇે કેમ મારી બાતમી પોલીસમાં આપી હતી કહીને ગાળો બોલતા હતા જેથી યુવકે મારા ભાઇએ કોેઇ બાતમી આપી નથી તેમ કહેતા ઉશ્કેરાઇને યુવકને લાફા તથા લાતો મારી હતી અને એક શખ્સે યુવકને માથાના પાછળના ભાગે લાકડીના ફટકા મારતાં યુવક લોહી લુહાણ થયો હતો. બુમાબુમ થતાં આરોપીઓ નાસી ગયા હતા જતા જતાં મારી નાંખવાની ધમકી આપી હતી. ગંભીર રીતે ઘાયલ યુવકને સારવાર માટે એલ.જી.હોસ્પિટલમાં દાખલ કરાયો હતો.
