આ પણ વાંચો ટ્રેન્ડિંગ સમાચાર
મુંબઈ : મુંબઈ ઝવેરીબજારમાં આજે સોનાના ભાવમાં ધીમો ઘટાડો જોવા મળ્યો હતો. જ્યારે ચાંદીના ભાવ નીચા ખુલ્યા પછી ફરી વધ્યા હતા. વિશ્વબજારમાં બેતરફી ઉછળકુદ તથા ઘરઆંગણે કરન્સી બજારમાં ડોલર સામે રૂપિયો ગબડતાં ઝવેરીબજારમાં આજે મિશ્ર હવામાન તથા બેતરફી વધઘટ કિંમતી ધાતુઓમાં જોવા મળી હતી.
દરમિયાન, અમદાવાદ ઝવેરીબજારમાં આજે સોનાના ભાવ ૧૦ ગ્રામના રૂ.૩૦૦ ઘટી ૯૯૫ના ભાવ રૂ.૧૫૧૯૦૦ તથા ૯૯૯ના ભાવ રૂ.૧૫૨૨૦૦ રહ્યા હતા જ્યારે અમદાવાદ ચાંદીના ભાવ કિલોના રૂ.૨૪૨૦૦૦ રહ્યા હતા. દરમિયાન, વિશ્વબજારમાં આજે સોનાના ભાવ ઔશના ૪૫૬૯થી ૪૫૭૦ ડોલરવાળા નીચામાં ભાવ ૪૫૧૩ તથા ઉંચામાં ભાવ ૪૫૭૪ થઈ ૪૫૬૩થી ૪૫૬૪ ડોલર હ્યા હતા.
ડોલરનો વૈશ્વિક ઈન્ડેક્સ આજે ઉંચકાતાં વૈશ્વિક સોનામાં ભાવ એકંદરે દબાણ હેઠળ રહ્યા હતા. ફંડો હળવા થઈ રહ્યા હતા. જોકે ઘટાડે શોર્ટ કવરીંગ પણ જોવા મળ્યું હતું. દરમિયાન, વૈશ્વિક ચાંદીના ભાવ ઔંસના ૭૩.૯૪થી ૭૩.૯૫ વાળા નીચામાં ભાવ ૭૨.૪૧ થઈ ૭૩.૪૩થી ૭૩.૪૪ ડોલર રહ્યા હતા. દરમિયાન, વિશ્વબજારમાં ક્રૂડ તેલના ભાવ વધ્ય.ા પછી ત્રણ ટકા તૂટયા હતા.
બ્રેન્ટ ક્રૂડના ભાવ બેરલના ઉંચામાં ૧૧૪.૪૪ થઈ ૧૧૧.૮૫ ડોલર રહ્યા હતા જ્યારે યુએસ ક્રુડના ભાવ ઉંચામાં ૧૦૫.૪૮ થઈ ૧૦૨.૯૬ ડોલર રહ્યા હતા. અમેરિકા દ્વારા ઈરાન ફરતે બ્લોકેડ હળવું કરાશે એવી શક્યતા બતાવાતી થતાં ક્રૂડના ભાવમાં ઉછાળા ઉભરા જેવા નિવડયા હતા.
દરમિયાન, મુંબઈ બુલીયન બજારમાં આજે સોનાના ભાવ જીએસટી વગર રૂ.૫૦૦ ઘટી ૯૯૫ના રૂ.૧૪૭૦૪૫ તથા ૯૯૯ના રૂ.૧૪૭૬૩૬ રહ્યા હતા જ્યારે મુંબઈ ચાંદીના ભાવ જીએસટી વગર રૂ.૨૪૦૧૨૦ વાળા રૂ.૨૩૯૫૦૨ ખુલી રૂ.૨૪૦૪૬૫ બંધ રહ્યા હતા. મુંબઈ સોના- ચાંદીમાં જીએસટી સાથેના ભાવ આ ભાવથી ત્રણ ટકા ઉંચા રહ્યા હતા.
દરમિયાન, મુંબઈ પ્લેટીનમના ભાવ ૧૦ ગ્રામના રૂ.૬૩૨૦૫ વાળા રૂ.૬૫૫૮૭ ખુલી રૂ.૬૪૧૯૨ રહ્યા હતા. વિશ્વબજારમાં આજે પ્લેટીનમના ભાવ ઔંશના ૧૯૭૪થી ૧૯૭૫ વાળા નીચામાં ભાવ ૧૯૪૨ તથા ઉંચામાં ભાવ ૧૯૯૮ થઈ ૧૯૮૩થી ૧૯૮૪ ડોલર રહ્યા હતા. પેલેડીયમના ભાવ નીચામાં ૧૪૭૯ તથા ઉંચામાં ૧૫૨૪ થઈ ૧૫૧૨થી ૧૫૧૩ ડોલર રહ્યા હતા. દરમિયાન, વિશ્વબજારમાં આજે કોપરના ભાવ આશરે અઢી ટકા ઉછળ્યા હતા.
