આ પણ વાંચો ટ્રેન્ડિંગ સમાચાર
અમદાવાદ,ગુરુવાર,7
મે,2026
અમદાવાદમાં પ્રિ-મોન્સૂન કામગીરીના બહાના હેઠળ કોર્પોરેશનના
જ બગીચા ખાતા દ્વારા શહેરના વિવિધ વિસ્તારમાં અત્યાર સુધીમાં ૪૫૦૦ વૃક્ષોનુ ટ્રિમિંગ કર્યુ છે.હજુ એક હજાર વૃક્ષનુ
ટ્રિમિંગ કરવામા આવશે.બગીચા વિભાગ દ્વારા સાયન્સ સિટી રોડ ઉપર રાત્રિ દરમિયાન
વૃક્ષોનુ હેવી ટ્રિમિંગ કરાતુ હોવાનો વિડિયો સોશિયલ મિડીયામા વાઈરલ થતા સ્થાનિક
રહીશોમા વિભાગ સામે ઉગ્ર રોષ જોવા મળી રહયો છે.બગીચા વિભાગના પ્રિન્સિપાલ ડાયરેકટર
અમરીશ પટેલના કહેવા પ્રમાણે આમા ખોટુ કશુ નથી.પ્રક્રીયાનો એક ભાગ છે.ગત વર્ષે
શહેરમા નવ હજારથી વધુ વૃક્ષોનુ ટ્રિમિંગ કરાયુ હતુ.
મિશન મિલીયનના નામે પ્લાન્ટેશન કરવા પાછળ કોર્પોરેશન દ્વારા
દર વર્ષે કરોડો રુપિયાનો ખર્ચ કરવામા આવે છે.તેમ છતાં રોપવામા આવતા રોપા કે
વૃક્ષોની સામે ૪૦ ટકાથી વધુ રોપા કે વૃક્ષો માવજતના અભાવે સુકાઈ જાય છે. આ બાબતથી
કોર્પોરેશનમા તમામ સુપેરે વાકેફ છે. છતાં વૃક્ષ ટ્રિમિંગની કામગીરી રાત્રિના સમયે
કેમ કરવામા આવી રહી હતી તે તપાસનો વિષય
બની જાય છે. સાયન્સ સિટી રોડ ઉપર ઉગેલા વૃક્ષો ઘણી ઉંચાઈ સુધી પહંચ્યા હોવાછતાં
સમગ્ર રોડ ઉપર જરૃરી અજવાળુ કોર્પોરેશનના જ વીજપોલ પાથરી રહયા હોય તેમ છતાં જો
વૃક્ષોનુ ટ્રિમિંગ કરવામા આવતુ હોય તો તે પાછળનુ અન્ય એક કારણ જાહેરખબર એજન્સીઓના
હોર્ડીંગ્સ કે કીઓસ્ક દેખાય એ માટે તંત્રની મિલીભગતથી કામગીરી કરાતી હોવાની ચર્ચા
મ્યુનિસિપલ કોર્પોરેશનના વર્તુળમાં જ સાંભળવા મળી રહી છે.નોંધપાત્ર બાબત તો એ છે
કે,ટ્રિમિંગ કરવામા
આવી રહેલા વૃક્ષો સેન્ટ્રલ વર્જની બહાર ના આવે એવી પણ સુચના આપવામા આવે
છે.પર્યાવરણ બચાવવાના બદલે તેનો નાશ કરવામા આવી રહયો છે.
વૃક્ષોના ટ્રિમિંગના નામે અબોલ પક્ષીઓના ઘર છીનવવાનુ પાપ
થાય છે
કોર્પોરેશનના બગીચા ખાતા દ્વારા શહેરના અલગ અલગ વિસ્તારમાં
વૃક્ષોનુ ટ્રિમિંગ તો કરે છે.પરંતુ આ સાથે અબોલ એવા હજારો પક્ષીઓના માળા એટલે કે
તેમનુ ઘર છીનવી લેવાનુ પાપ પણ કરી રહયા છે.
પાંચ વર્ષમાં કયા કેટલા વૃક્ષો કપાયા?
વર્ષ વૃક્ષોની
સંખ્યા
૨૦૨૦ ૧૬૧૯
૨૦૨૧ ૮૩૮
૨૦૨૨ ૧૪૬૩
૨૦૨૩ ૧૨૦૦
૨૦૨૪ ૧૪૧૬
