આ પણ વાંચો ટ્રેન્ડિંગ સમાચાર
એનસીસી અંતર્ગત સૌરાષ્ટ્રમાં પ્રથમવાર
3ગર્લ્સ બટાલિયન્સ આર્મી એનસીસી
નંદકુંવરબા કોલેજની વિદ્યાર્થીનીઓનું સુંદર પ્રદર્શન
ભાવનગર – સૌરાષ્ટ્રમાં પ્રથમવાર એનસીસી કેડેટ્સમાં હિંમત અને આત્મવિશ્વાસ
વિકસાવવા ભાવનગરના ઘોઘા ખાતે પેરા સેલિંગ કેમ્પનું આયોજન કરાયું છે. જેમાં ૪૦૦થી વધુ
કેડેટ્સ જોડાયા હતાં. શહેરની નંદકુંવરબા મહિલા કોલેજ દેવરાજનગરે ઉત્કૃષ્ટ પ્રદર્શન
કરતા કેડેટ્સનું અભિવાદન કરાયું હતું.
રાજકોટ ગુ્રપના ૪૦૦ એનસીસી કેડેટ્સ માટેનો ૧૦ દિવસીય પેરાસેલિંગ કેમ્પ
હાલમાં ભાવનગર ખાતે ૩ ગુજરાત ગર્લ્સ બટાલિયન એનસીસીના આયોજન હેઠળ ૬ મેથી ૧૫ મે
દરમિયાન યોજાઇ રહ્યો છે. જેમાં મોટાભાગે ગર્લ્સ કેડેટ્સનો સમાવેશ થાય છે. એનસીસી
અંતર્ગત સૌરાષ્ટ્રમાં આ પ્રકારની પ્રથમ વિશાળ પેરાસેલિંગ પહેલ હોવાથી યુવાનોમાં
ભારે ઉત્સાહ જોવા મળી રહ્યો છે. આ પ્રસંગે બટાલિયનના કમાન્ડિંગ ઓફિસરે જણાવ્યું કે, આ કેમ્પ
મેજર જનરલ બિમલ મોંગાની કલ્પના અને દ્રષ્ટિનું પરિણામ છએ. આ કેમ્પથી એનસીસી
કેડેટ્સમાં સાહસિક્તા અને નેતૃત્વ ગુણો વધુ મજબુત બનશે તથા ભવિષ્યમાં સૌરાષ્ટ્ર
વિસ્તારમાં આવી વધુ પ્રવૃત્તિઓ માટે પ્રેરણા મળશે તેવી અપેક્ષા વ્યક્ત કરવામાં આવી
રહી છે. આ પેરાસિલીંગ કેમ્પમાં નંદકુંવરબા મહિલા કોલેજ દેવરાજનગરની કેડેટ્સએ
ઉત્કૃષ્ઠ પ્રદર્શન કરવા બદલ બિરદાવાયા હતાં.
