દામનગરના હાવતડ ગામે જૂની અદાવતમાં ટોળાએ આતંક મચાવી દીધો : એક જ પરિવારના 4 સભ્યા પર હુમલો, ઘરમાં ઘૂસી તોડફોડ કરી મહિલાઓને પછાડીને ઢસડી,પરિવારનેમારી નાખવાની ધમકી આપી
અમરેલી : લાઠી તાલુકાના હાવતડ ગામે પ્રેમ પ્રકરણની જૂની અદાવત રાખીને 20 જેટલા શખ્સોના સશ ટોળાએ રહેણાંક મકાન પર હુમલો કરી આતંક મચાવ્યો હોવાની સનસનાટીભરી ઘટના સામે આવી છે. યુવતીને ભગાડી જવાના મનદુ:ખમાં સાથે ધસી આવેલા ટોળાએ ઘરમાં ઘૂસીને પરિવારના સભ્યોને બેરહેમીથી માર માર્યો હતો.મહિલાઓને પછાડી દેવા ઉપરાંત ઢસડી હતી.ે જાનથી મારી નાખવાની ધમકી આપી નાસી છૂટયા હતા. આ અંગે દામનગર પોલીસ મથકે 10 નામજોગ અને 10 અજાણ્યા શખ્સો સામે ગુનો નોંધી તપાસના ચક્રો ગતિમાન કરાયા છે.
પ્રાપ્ત માહિતી અનુસાર હાવતડ ગામે રહેતા અને સેન્ટિંગ કામ કરતા કાળુભાઈ હીરાભાઈ મેવાડા (ઉં.વ. 55) ના ભાઈ દેવશીભાઈ હીરાભાઈ મેવાડાનો દીકરો હિતેષ થોડા સમય પહેલાં દામનગર ખાતેથી ભરતભાઈ ભાસ્કરની દીકરીને લઈને ભાગી ગયો હતો. આ બાબતનું મનદુ:ખ રાખીને ભરત ભાસ્કર સહિતના શખ્સોે મોટરસાયકલો પર ધોકા અને લોખંડના પાઈપ જેવા હથિયારો સાથે કાળુભાઈના ઘરે ધસી આવ્યા હતા. ટોળાએ ઘરમાં ગેરકાયદે ઘૂસી જઈ ગાળો ભાંડી ઝપાઝપી શરૂ કરી હતી. જેમાં ભરતભાઈ ભાસ્કરે કાળુભાઈ ના દીકરા ધીરૂભાઈને માથાના પાછળના ભાગે અન્ય અજાણ્યા શખ્સોએ કાજલબેન અને હંસાબેનને લોખંડના પાઈપ વડે ફટકાર્ર્યા હતા. હુમલાખોરોએે તેજલબેન નામની યુવતીને ઢસડીને જમીન પર પછાડી દીધી હતી .
આ બધા શખ્સોએ ઓસરીની લોખંડની ગ્રીલ સાથે ધોકા-પાઈપ ભટકાવી તોડફોડ કરી હતી.હુમલા દરમિયાન નાના ભાઈ હિંમતભાઈ ભાગતા કેટલાક શખ્સોએ તેમને માર મારવાના ઈરાદે પાછળ મોટરસાયકલ પણ દોડાવ્યા હતા. જતા-જતા આ ટોળું તમામ ભોગ બનનારને હાથ-પગ ભાંગી નાખીશું અને જાનથી મારી નાખીશું તેવી ધમકી આપી નાસી ગયું હતું.
