આ પણ વાંચો ટ્રેન્ડિંગ સમાચાર
South Delhi Building Collapse: સાઉથ દિલ્હીના મહરોલી પોલીસ સ્ટેશન વિસ્તારમાં એક મોટી દુર્ઘટના સર્જાઇ છે. અહીં સૈદુલાજાબમાં એક પાંચ માળની બિલ્ડિંગ અચાનક ધરાશાયી થતાં અફરાતફરીનો માહોલ સર્જાયો છે. આ દુર્ઘટનામાં ઘણા લોકો કાટમાળ નીચે દબાયેલા હોવાની આશંકા છે. ઘટના સ્થળ પર તાત્કાલિક બચાવ દળોની ટીમો પહોંચી છે. અને લોકોને સુરક્ષિત બહાર કાઢવા મોટાપાયે રેસ્ક્યૂ ઓપરેશન હાથ ધર્યું છે.
કુલ પાંચ લોકોનું રેસ્ક્યૂ
મહરોલીના સાકેત વિસ્તારમાં અચાનક આ દુર્ઘટના સર્જાઇ હતી. સ્થાનિક લોકોના દાવા મુજબ કાટમાળમાં અનેક લોકો દબાયા હોવાની આશંકા છે. અત્યાર સુધીમાં કુલ પાંચ લોકોને રેસ્ક્યૂ કરી લેવામાં આવ્યા છે, અને તેમણે સારવાર અર્થે હોસ્પિટલ ખસેડવામાં આવ્યા છે. ઘટનાની જાણકારી પ્રશાસનને સાંજે 7:45 મળી હતી જે બાદ યુદ્ધના ધોરણે રેસ્ક્યૂનું કામ ઉપાડવામાં આવ્યું છે.
