આ પણ વાંચો ટ્રેન્ડિંગ સમાચાર
વડોદરાઃ આઈઆઈટી સહિતની જાણીતી એન્જિનિયરિંગ કોલેજોમાં પ્રવેશ માટેની જેઈઈ એડવાન્સ પરીક્ષાનું પરિણામ આજે જાહેર કરાયું હતું.આ પરિણામમાં વડોદરાના ચાર વિદ્યાર્થીઓએ દેશના ટોપ-૧૦૦૦ વિદ્યાર્થીઓમાં સ્થાન પ્રાપ્ત કર્યું છે.
વડોદરાના ટોપર્સમાં છોકરાઓ કરતા છોકરીઓનો દબદબો જોવા મળ્યો છે.એક અંદાજ પ્રમાણે ૭૦૦ કરતા વધારે વિદ્યાર્થીઓએ જેઈઈ- મેઈન્સ બાદ એડવાન્સની પરીક્ષા આપી હતી અને આ પૈકીના ૧૦૦થી વધુ વિદ્યાર્થીઓ આઈઆઈટી માટે ક્વોલિફાય થયા હોવાનું અનુમાન છે.કારણકે જનરલ કેટેગરી માટે કટ ઓફ ૯૨ માર્કસ, એસસીએસટી માટે ૪૬ માર્કસ અને ઈડબલ્યુએસ તથા ઓબીસી માટે ૮૨ માર્કસ છે.
એઆઈનો વધારે પડતો હાઈપ ઉભો કરાયો છે
ચેન્નાઈની આઈઆઈટીમાં પ્રવેશ મેળવવાની ઈચ્છા છે.મને લાગે છે કે, એઆઈનો વધારે પડતો હાઈપ ઉભો કરવામાં આવ્યો છે.એઆઈના કારણે આઈટી સેકટરની ઘણી નોકરીઓ છીનવાઈ જશે તેવું અત્યારે કહેવું વધારે પડતું છે.રિઝલ્ટ અપેક્ષા પ્રમાણે જ આવ્યું છે.
દેવ પ્રજાપતિ, એઆઈઆર ૧૭૪
ધાર્યું હતું તે જ પ્રમાણે પરિણામ આવ્યું
જેઈઈ મેઈન્સમાં મારુ પરિણામ થોડું ઓછું આવ્યું હતું પણ શિક્ષકોની મદદથી આત્મવિશ્વાસ ટકાવી રાખ્યો હતો.કેમેસ્ટ્રીના કેટલાક ચેપ્ટર મને વધારે ગમતા હતા અને તેના પર વધારે ધ્યાન આપ્યું હતું.મેં ધાર્યું હતું તે પ્રમાણે જ પરિણામ આવ્યું છે.કોમપ્યુટર સાયન્સમાં અભ્યાસ કરવાની ઈચ્છા છે.
પ્રાંશુ ગુપ્તા, એઆઈઆર ૨૭૪
૬ મહિનાથી રોજના એક લેખે પેપર સોલ્વ કરતો હતો
મને પહેલેથી ઈલેક્ટ્રિકલ એન્જિનિયરિંગમાં રસ છે.હું પરીક્ષાની તૈયારીના ભાગરુપે છેલ્લા ૬ મહિનાથી રોજના એક લેખે પેપર સોલ્વ કરતો હતો અને તેનાથી મને ઘણી મદદ મળી છે.પરીક્ષાના થોડા દિવસ પહેલા તો રોજ ૬ કલાક પેપર સોલ્વ કરવામાં જતા હતા.
વેદાંત દેશમાને, એઆઈઆર ૬૨૬
સોશ્યલ મીડિયાનો ઓછામાં ઓછો ઉપયોગ કર્યો
રોજ આઠથી દસ કલાક પરીક્ષાની તૈયારી કરતો હતો.જે પ્રશ્નો અઘરા લાગતા હતા તેની વધારે પ્રેક્ટિસ કરી હતી.સંગીતનો શોખ છે.કી બોર્ડ અને ગીટાર વગાડવાનું ગમે છે.બે વર્ષ સોશ્યલ મીડિયાનો ઓછામાં ઓછો ઉપયોગ કર્યો હતો.
જૈનમ શાહ, એઆઈઆર ૯૨૬
ટેસ્ટ અને રિવિઝન પર ફોકસ કર્યું
છેલ્લા બે મહિનામાં ટેસ્ટ આપવા પર અને રિવિઝન કરવા પર ફોકસ કર્યું હતું.રોજ આઠથી દસ કલાકવાંચતો હતો અને સાથે ધ્યાન કેન્દ્રિત કરવામાં મદદ મળે તે માટે મેડિટેશન પણ કરતો હતો.કોમ્પ્યુટર સાયન્સમાં અભ્યાસ કરવાની ઈચ્છા છે.
હિતવ પટેલ, એઆઈઆર ૧૧૮૧
છેલ્લી ઘડીએ રિવિઝન માટે નોટ્સ બનાવી હતી
દરેક સપ્તાહનો મારો ટાર્ગેટ નક્કી હતો અને તે પ્રમાણે જ વાંચતો હતો.દરેક સપ્તાહે એક ટેસ્ટ પણ આપતો હતો.છેલ્લી ઘડીએ રિવિઝન માટે નોટ્સ બનાવી હતી.મારા માતા પિતા ડોકટર છે પણ મને પહેલેથી જ એન્જિનિયરિંગનો અભ્યાસ કરવો હતો.
વાત્સલ્ય સોની, એઆઈઆર ૧૨૮૬
