આ પણ વાંચો ટ્રેન્ડિંગ સમાચાર
LRD Exam: ગુજરાત પોલીસ હેઠળ ભરતી જાહેરાત ક્રમાંક GPRB/202526/1 લોકરક્ષક કેડરની લેખિત પરીક્ષા રવિવારે (14 જૂન, 2026) અમદાવાદ, રાજકોટ સહિત 7 મોટા શહેરોમાં રાજ્યની કુલ 879 શાળા/કોલેજોમાં યોજાઈ. જેમાં LRDની કુલ 12,733 જગ્યાઓ માટે 2.63 લાખથી વધુ ઉમેદવારોમાંથી 91% ઉમેદવારો પરીક્ષામાં હાજર રહ્યા હતા. હવે ઉમેદવારો પોતાની OMR શીટ 29 જૂન સુધી ઓનલાઈન ડાઉનલોડ કરી શકશે.
લોકરક્ષક કેડરની 12,733 જગ્યાઓ માટે પરીક્ષા યોજાઈ
ગુજરાત પોલીસ ભરતી બોર્ડ દ્વારા પોલીસ વિભાગની કુલ 12,733 જગ્યાઓ (બિન હથિયારી પોલીસ કોન્સ્ટેબલ/હથિયારી પોલીસ કોન્સ્ટેબલ/જેલ સિપાઈ/એસ.આર.પી.એફ. કોન્સ્ટેબલ સંવર્ગની) માટે જાહેરાત ક્રમાંક GPRB/202526/1 અન્વયે 14 જૂનના રોજ લેખિત પરીક્ષા અમદાવાદ, સુરત, રાજકોટ, વડોદરા, ગાંધીનગર, ભાવનગર અને આણંદ મળી કુલ-07 શહેરો ખાતે યોજવામાં આવી હતી.
2.40 લાખ ઉમેદવારો રહ્યા હાજર
આ લેખિત પરીક્ષામાં કુલ- 879 પરીક્ષા કેન્દ્રો ખાતે શિક્ષણ વિભાગના આશરે 17,000 જેટલા અને પોલીસ વિભાગના આશરે 9000 જેટલા અધિકારી/કર્મચારીઓ દ્વારા ફરજ બજાવવામાં આવી હતી. આ પરીક્ષા શાંતિપૂર્ણ રીતે પૂર્ણ થાય તે માટે કુલ 19 જેટલા આઇ.પી.એસ. અધિકારીઓ દ્વારા સુપરવિઝન કરવામાં આવ્યું હતું.
આ સમગ્ર પરીક્ષાની પ્રક્રિયાનું CCTV રેકોર્ડિંગ દરેક વર્ગખંડમાં કરવામાં આવ્યું છે. તેનું લાઇવ મોનીટરિંગ કરવામાં આવ્યું, તેમજ પરીક્ષા આપનાર દરેક ઉમેદવારોનું બાયોમેટ્રીક વેરિફિકેશન પણ કરવામાં આવ્યું હતું. આ પરીક્ષામાં કુલ 2,63,345 પૈકી આશરે 2,40,000 ઉમેદવારો પરીક્ષા આપવા માટે હાજર રહ્યા હતા.
24 કલાક બાદ મળી રહેશે સ્કેન OMR શીટ
પરીક્ષાના પ્રશ્નપત્રમાં 200 માર્કસના MCQ ટાઇપના પ્રશ્નોના જવાબો OMR શીટમાં આપવામાં આવ્યા હતા. ઉમેદવારોની OMR શીટની સ્કેનિંગની કામગીરી હાલ ચાલી રહી છે. આગામી 24 કલાકમાં પરીક્ષામાં ભાગ લીધેલા તમામ ઉમેદવારોની સ્કેન કરેલી OMR શીટ ભરતી બોર્ડની વેબસાઇટ gprb.gujarat.gov.in ઉપર ઓનલાઇન મુકવામાં આવશે. ઉમેદવારો પોતાની OMR શીટ 29 જૂન, 2026 સુધી ડાઉનલોડ કરી શકશે.
લોકરક્ષક કેડર (Lok rakshak Cadre) – કુલ 12,733 જગ્યા
• બિન હથિયારી પોલીસ કોન્સ્ટેબલ: 6942
• હથિયારધારી પોલીસ કોન્સ્ટેબલ: 2458
• હથિયારધારી પોલીસ કોન્સ્ટેબલ (SRPF):3002
• જેલ સિપાહી (પુરુષ): 300
• જેલ સિપાહી (મહિલા /મેટ્રન): 31
