આ પણ વાંચો ટ્રેન્ડિંગ સમાચાર
અમદાવાદ,શુક્રવાર
નારોલ પોલીસે ચોક્કસ બાતમી આધારે નશીલા પદાર્થ વાળી કફ શીરપની રૃા. ૧.૩૦ લાખની ૧૧૦ બોટલો સાથે પકડી પાડયો હતો. જો કે કફ શીરપ વેચવા માટે આપવા આવેલો શખ્સ પોલીસને થાપ આપીને નાસી ગયો હતો. પકડાયેલા શખ્સ સામે પાસા સહિત ૨૪ ગુના નોંધાયેલા છે.
૧૧૦ કફ શીરપ બોટલ સાથે પકડાયેલા શખ્સ સામે નારોલ, વાસણા, એલિસબ્રિજ પોલીસ સ્ટેશનમાં પાસા સહિત ૨૪ ગુના નોંધાઇ ચૂક્યા છે
નારોલ પોલીસ સ્ટેશનના પી.એસ.આઇ આર.ડી. સાંબડે નારોલ પોલીસ સ્ટેશનમાં નારોલમાં રહેતા રિઢા ગુનેગાર સહેજાદ ઉર્ફે સજ્જુ પઠાણ સામે ફરિયાદ નોંધાવી છે કે પોલીસે ગઇકાલે રાતે ચોક્કસ બાતમી આધારે આરોપીને નારોલ ગણેશનગર એકતા નગર પાસેથી ઝડડી પાડયો હતો અને તેની પાસેના થેલો ચેક કરતા તેની પાસેથી નશા કારક રૃા.૧.૩૦ લાખની કિંમતની ૧૧૦ બોટલોનો જથ્થો મળી આવ્યો હતો.
પોલીસે રેડ પાડી ત્યારે આ કફ શીરપ આપવા આવેલો શખ્સ પોલીસને થાપ આપીને નાસી ગયો હતો. પોલીસ આરોપીની પૂછપરછ કરતાં અગાઉ પણ આરોપી સામે કફ શીરપ અને પાસા સહિત નારોલ,વાસણા અને એલિસબ્રિજ પોલીસ સ્ટેશન સહિતના પોલીસ સ્ટેશનોમાં ૨૪થી વધુ ગંભીર પ્રકારના ગુના નોંધાયેલા છે.
