આ પણ વાંચો ટ્રેન્ડિંગ સમાચાર
ટેબલ ટેનિસ એસોસીએશન ઓફ બરોડા (ટીટીએબી) દ્વારા યુટીટી કોર્પોરેટ્સ ટેબલ ટેનિસ ચેમ્પિયનશિપનો આજે પ્રારંભ કરાયો હતો.
બે દિવસીય આ સ્પર્ધા એમ. એસ. યુનિવર્સિટીના પેવેલિયન સ્થિત ટીટીએબી-એમએસયુ ટેબલ ટેનિસ સેન્ટર ખાતે યોજાઈ છે.
ચેમ્પિયનશિપમાં કુલ ૧૧ પુરુષ ટીમાએ ભાગ લીધો છે, અને ૫૫ ખેલાડીઓ મેદાનમાં છે, જેમાં ૫૦ પુરુષ અને પ મહિલા પેડલર્સનો સમાવેશ થાય છે. વિવિધ વયજૂથોના ખેલાડીઓ ટેબલ પર પોતાની કુશળતા અને સ્પર્ધાત્મક ભાવનાનો પરિચય આપી રહ્યા છે.
આ સ્પર્ધાનો મુખ્ય હેતુ કોર્પોરેટ સંસ્થાઓમાં રમતગમતના આધારે જોડાયેલા વરિષ્ઠ ટેબલ ટેનિસ ખેલાડીઓ અને કર્મચારીઓને એક સામાન્ય મંચ પર લાવી તેમની પ્રતિભાને પ્રોત્સાહન આપવાનોછે.
સ્પર્ધાની તમામ ઇવેન્ટ્સની ફાઇનલ મેચો આવતીકાલે તા. ૧ માર્ચે યોજાશે, ત્યારબાદ વિજેતાઓને ઈનામ વિતરણ સમારોહમાં સન્માનિત કરાશે.
