આ પણ વાંચો ટ્રેન્ડિંગ સમાચાર
ખટંબા પાસે ગટરમાં ઉતરેલા બે શ્રમિકોના કરુણ મોત મામલે પોલીસે મુખ્ય સૂત્રધાર જયંતિ પટેલને કોર્ટમાં રજૂ કરી ગુનાની તપાસ માટે ૧૪ દિવસના રિમાન્ડની માગ કરી હતી. કોર્ટ દ્વારા આરોપીના બે દિવસના રિમાન્ડ મંજૂર કરાયા છે.
જયંતિ પટેલે રૂ. ૧૫.૪૦ કરોડના ભાવે ટેન્ડર મેળવ્યું હતું અને સમગ્ર કામકાજમાં તેની મહત્વની ભૂમિકા હોવાનો આરોપ છે. ગુનાની ગંભીરતા જાણવા છતાં આરોપીએ શ્રમિકોને જરૂરી સુરક્ષા સાધનો કેમ ઉપલબ્ધ કરાવ્યા નહીં તે અંગે પૂછપરછ જરૂરી છે. મૂળ એગ્રીમેન્ટ, ટેન્ડરની અસલ નકલો તેમજ પેટ-કોન્ટ્રાક્ટના દસ્તાવેજ કબજે કરવા અને કોન્ટ્રાક્ટ મેળવવા રજૂ કરેલા દસ્તાવેજની ચકાસણી કરવી આવશ્યક છે.
આરોપી જયંતિ પટેલ અગાઉ સુરત ખાતે પાણીની ટાંકી ટૂંકા ગાળામાં તૂટી પડવાના કેસમાં લાજપોર જેલમાં બંધ હતો. ટ્રાન્સફર વોરંટના આધારે પોલીસે તેની ધરપકડ કરી વડોદરા લાવી કોર્ટમાં રજૂ કર્યો હતો. આ કેસમાં સંજય ખુટ નામનો આરોપી હાલ ફરાર છે. સરકારી સંસ્થાઓ સાથે કૌભાંડની શક્યતા અને વુડાના અધિકારી-કર્મચારીઓની સંડોવણી છે કે કેમ તેની પણ તપાસ હાથ ધરાઈછે.
ઉલ્લેખનીય છે કે, ગઈ તા. ૧૩ ફેબ્રુઆરીએ ખટંબામાં હિમાલયા પાર્ટી પ્લોટના પાર્કિંગમાં ગટર લાઇનની કામગીરી દરમિયાન અંદર ઉતરેલા મજૂર સહિત બે શખ્સો ગુંગળાઈ જવાથી મોતને ભેટયા હતાં. મૃતક વિપુલ મનસુખ માંગરોલીયાના પિતરાઇ ભાઇએ જયંતિ અંબાલાલ પટેલ (જયંતિસુપર કુન્સ્ટ્રક્શનપ્રાશ્રીનુ પ્રોપર ખુસ અને સંજય માભાઈ ખુંટ (ગ્રિસ્વા ઈન્ફ્રા પ્રોજેક્ટ એલએલ પીના પ્રોપરાઈટર, અમદાવાદ) સામે વરણામા પોલીસ સ્ટેશનમાં એટ્રોસિટિ એક્ટ તેમજ અન્ય ગુના સંદર્ભે ફરિયાદ નોંધાવી છે.
ફરિયાદમાં ઉલ્લેખ કર્યો છે કે, વુડા દ્વારા હનુમાનપુરા, અણખોલ, બાપોદ અને ખટંબા ખાતે આવેલ ૧૮ મીટર રોડ પર ડ્રેનેજ લાઈનની કામગીરીનો કોન્ટ્રાક્ટ જયંતિ સુપર કન્સ્ટ્રક્શન પ્રા.લી.ને અપાયો હતો બાદમાં શરત ભંગ કરી જયંતિએ ગ્રીસ્વા ઇન્ફ્રા પ્રોજેક્ટને પેટા કોન્ટ્રાક્ટ આપ્યો હતો.
