આ પણ વાંચો ટ્રેન્ડિંગ સમાચાર
વિઠલાપુર-વિરમગામ ફોરલેન હાઈવે પર
અકસ્માતમાં કાર ચાલક પણ ઈજાગ્રસ્ત, પોલીસે ઘટનાસ્થળે પહોંચી તપાસનો
ધમધમાટ શરૃ કર્યો
માંડલ
– માંડલ તાલુકાના વિઠલાપુર-વિરમગામ ફોરલેન હાઈવે પર તાજેતરમાં એક
હૃદયદ્રાવક અકસ્માતની ઘટના સામે આવી છે. મેસ્કોટ ઇન્ડસ્ટ્રીયલ પાર્ક નજીકથી પસાર
થઈ રહેલી એક બેફામ કારના ચાલકે ગફલતભરી રીતે વાહન હંકારી રોડ પરથી પસાર થઈ રહેલા
ગાયોના ઝુંડને અડફેટે લીધું હતું.
કારની ટક્કર એટલી જોરદાર હતી કે ત્રણથી ચાર ગાયો રોડની સાઈડમાં ફંગોળાઈ ગઈ
હતી, જેમાં ૪ ગૌમાતાના સ્થળ પર જ કરુણ મોત નીપજ્યા હતા, જ્યારે
અન્ય ગાયો ગંભીર રીતે ઈજાગ્રસ્ત થઈ હતી.
અકસ્માતનો પ્રચંડ અવાજ સાંભળી આસપાસના લોકો દોડી આવ્યા હતા. આ ઘટનામાં કાર
ચાલકને પણ ઈજાઓ પહોંચતા ૧૦૮ એમ્બ્યુલન્સ મારફતે તાત્કાલિક નજીકની હોસ્પિટલમાં
સારવાર અર્થે ખસેડવામાં આવ્યો હતો. ઘટનાની જાણ થતા સ્થાનિક પોલીસે સ્થળ પર પહોંચી
પંચનામું કરી આગળની કાર્યવાહી હાથ ધરી છે. નિર્દોેષ ગૌવંશના સામૂહિક મોતને પગલે
સમગ્ર પંથકના જીવદયાપ્રેમીઓ અને સ્થાનિક રહીશોમાં ઘેરા શોકની લાગણી સાથે ભારે રોષ
જોવા મળી રહ્યો છે.
