આ પણ વાંચો ટ્રેન્ડિંગ સમાચાર
રિપોર્ટ અનુજ ઠાકર.
૨૧મી સદીમાં સોશિયલ મીડિયાએ અનેક યુવાનોને પોતાની પ્રતિભા દર્શાવવાનો મંચ આપ્યો છે. આવા ટેલેન્ટેડ અને યુનિક ક્રિએટર્સની મહેનત અને સર્જનાત્મકતાને સન્માન આપવા માટે શહેરમાં ગુજરાત ટેલેન્ટ એવોર્ડ (GTA) સિઝન–૨નું ભવ્ય આયોજન કરવામાં આવ્યું હતું. આ અવસર પર સમગ્ર કાર્યક્રમ ટેલેન્ટ, પેશન અને હાર્ડવર્કની ઉજવણીરૂપ રહ્યો.
કાર્યક્રમમાં જાણીતા અભિનેત્રી દર્શિના બારોટ મુખ્ય અતિથિ તરીકે ઉપસ્થિત રહ્યા હતા, જ્યારે લોકપ્રિય અભિનેત્રી ડેલનાઝ ઇરાની સેલિબ્રિટી ગેસ્ટ તરીકે હાજર રહી યુવા ક્રિએટર્સને પ્રેરણાદાયી માર્ગદર્શન આપ્યું હતું. તેમની હાજરીએ એવોર્ડ નાઇટને વધુ યાદગાર બનાવી દીધી હતી.
આ એવોર્ડ સમારંભમાં દેશભરના અનેક જાણીતા અને યુનિક સોશિયલ મીડિયા ક્રિએટર્સને સન્માનિત કરવામાં આવ્યા હતા. જેમાં સમિર સ્ટાઇલો, અઝાન ફાઇવસ્ટાર, ફિરદોઝ ખાન, તાન્યા બજાજ, શ્રેયા ઠક્કર, વૃષ્ટિ શેઠ, વિશ્વા પંડ્યા, મિત વ્યાસ અને રાજુ કલાકાર સહિતના ક્રિએટર્સનો સમાવેશ થયો હતો.
આયોજક ઝુબેર ઇન્દોરીએ ગુજરાત ટેલેન્ટ એવોર્ડ (GTA) સિઝન–૨નું આયોજન કર્યું હતું. સમગ્ર એવોર્ડ નાઇટ સુંદર આયોજન, ઉત્સાહભર્યા માહોલ અને પ્રતિભાની કદર સાથે પૂર્ણ થઈ હતી. દરેક ક્રિએટરને તેમના કાર્ય માટે મળેલું આ સન્માન તેમની આંતરિક ક્ષમતાને વધુ વિકસિત કરવામાં મહત્વપૂર્ણ ભૂમિકા ભજવશે તેવું આયોજકો દ્વારા જણાવાયું હતું.
