આ પણ વાંચો ટ્રેન્ડિંગ સમાચાર
Vadodara Accident : વડોદરામાં વિચિત્ર પ્રકારના અકસ્માતમાં બની રહેલા બનાવોમાં આજે વધુ એક બનાવનો ઉમેરો થયો હતો. જેમાં કારમાં પાછળ બેઠેલા વૃદ્ધનું મોત નીપજ્યું હતું.
જીએસએફસીથી દુમાડ જતા સર્વિસ રોડ પર આજે વહેલી સવારે એક કાર પસાર થઈ રહી હતી ત્યારે સર્વિસ રોડ ઉપર કામ ચાલતું હોવાથી ચેતવણીના બોર્ડ મારવામાં આવ્યા હતા. પરંતુ કાર ચાલકનું છેલ્લી ઘડીએ ધ્યાન જતા તેણે શાર્પટનૅ લઈ કાર ઝાડમાં ભટકાવી હતી.
ધડાકો સાંભળી વાહનચાલકો તેમજ આસપાસના લોકો દોડી આવતા કારના ચાલક આગળ બેઠેલી મહિલા ઈજાગ્રસ્ત હાલતમાં હતા. જ્યારે પાછળની સીટ પર બેઠેલા 75 વર્ષીય વૃદ્ધનું મોત નીપજયું હતું.
બનાવની જાણ થતા છાણીના પીઆઇ તેમજ અન્ય અધિકારીઓ સ્થળ પર આવી ગયા હતા અને ક્રેન વડે કારને બહાર કાઢવામાં આવી હતી. પોલીસે મૃતક તેમજ ઈજાગ્રસ્તોની ઓળખ માટે તજવીજ હાથ ધરી છે.
