આ પણ વાંચો ટ્રેન્ડિંગ સમાચાર
વડોદરાના અકોટા વિસ્તારમાં આવેલી ડિજિટલ મીડિયાની ઓફિસના એકાઉન્ટન્ટ દ્વારા ત્રાહિત ખાતામાં 11 ચેકો મારફતે 34.83 લાખની રકમ ટ્રાન્સફર કરવામાં આવી હોવાનો બનાવ બનતા પોલીસ ફરિયાદ નોંધાઈ છે.
ઓફિસના સંચાલક જયેશભાઈ પંડ્યાએ પોલીસને કહ્યું છે કે, અગાઉ બેલેટ કોલોમલ કંપની સાથે પ્રસારણનો કરાર કરવામાં આવ્યો હતો.પરંતુ થોડા સમય બાદ તેમણે પ્રસારણ બંધ કરતાં તપાસ કરી તો પેમેન્ટ નહીં મળ્યું હોવાનું કહેવામાં આવ્યું હતું. જેથી સીએ દ્વારા તપાસ કરાવતા આ કંપનીને ચેક મારફતે પેમેન્ટ કરવામાં આવ્યું હોવાનું જણાઈ આવ્યું હતું.
વધુ તપાસ દરમિયાન બેલેટ કંપનીના નામે એકાઉન્ટન્ટ સચિન રાઉટે(આંબેડકર નગર, સમતા મૂળ ઓરિસ્સા) દ્વારા પેમેન્ટ માટે ચેકો આપવામાં આવ્યા હતા. પરંતુ મૂળ કંપનીને બદલે સાઈ સ્ટાર કેબલમાં જમા કરાવીને કુલ રૂ 34.83 લાખ ટ્રાન્સફર કરી લીધા હોવાની વિગતો બહાર આવી હતી. જેથી,સાઈ કેબલ સાથે પ્રસારણ બાબતે કોઈ કરાર કે કામગીરી કરવામાં આવી ન હતી અને તેમ છતાં તેને પેમેન્ટ ચૂકવીને છેતરપિંડી કરવામાં આવી હતી. પોલીસે એકાઉન્ટન્ટ સામે ગુનો નોંધી તપાસ હાથ ધરી છે.
