આ પણ વાંચો ટ્રેન્ડિંગ સમાચાર
Ahmedabad News: અમદાવાદમાં જુહાપુરાના ફતેવાડી વિસ્તારમાં જાહેર રોડ પર ચાકુ સાથેની મારામારીની ઘટના સામે આવી છે. આ ઘટનાનો વીડિયો સોશિયલ મીડિયામાં વાઈરલ થતા સ્થાનિકોમાં ફફડાટ વ્યાપી ગયો છે. વીડિયોમાં એક યુવક પોલીસના ડર વગર સરેઆમ હથિયાર ઉગામતા જોવા મળી રહ્યા છે.
સોશિયલ મીડિયામાં વીડિયો વાઈરલ
સોશિયલ મીડિયામાં ફરતા થયેલા આ વીડિયોમાં જોઈ શકાય છે કે, ફતેવાડીના મુખ્ય માર્ગ પર બે શખસો વચ્ચે કોઈ બાબતે બોલાચાલી કરી રહ્યા છે. જોતજોતામાં મામલો બિચકતા એક શખસ પોતાના હાથમાં રહેલું ચાકુ કાઢી બીજા વ્યક્તિ પર હુમલો કરવાનો પ્રયાસ કરે છે. આસપાસના લોકો આ દ્રશ્ય જોઈને સ્તબ્ધ થઈ ગયા હતા.
આ પણ વાંચો: રાજકોટમાં ગોંડલ-આટકોટ હાઈવે પર કાર પુલ નીચે ખાબકતાં અગનગોળો બની, 2ના કરુણ મોત
પોલીસનો કાફલો ઘટનાસ્થળે
વીડિયો વાઈરલ થવાની સાથે જ પોલીસ એક્શનમાં આવી હતી. ઘટનાની ગંભીરતાને ધ્યાને રાખી સ્થાનિક પોલીસ કાફલો તાત્કાલિક ફતેવાડી વિસ્તારમાં પહોંચી ગયો હતો. પોલીસે પ્રાથમિક તપાસ બાદ વીડિયોમાં દેખાતા શખસોની ઓળખ મેળવવાની તજવીજ તેજ કરી છે.
