આ પણ વાંચો ટ્રેન્ડિંગ સમાચાર
પરંતુ શક્તિસેવા કેન્દ્ર ની શાળા થી ધાબાવાળી વાવ વચ્ચે નો માર્ગ અંધારપટ…..!
રાત્રિ ના સમયે જંગલ વાળા આ વિસ્તારમાં પગપાળા આવતા યાત્રિકો અંધારા માં ચાલવા મજબૂર…..!!
તંત્ર ની બેદરકારી કે પછી ચૂક….????
ગુજરાત ના પ્રસિદ્ધ યાત્રાધામ અંબાજી ખાતે હાલ માં ભાદરવી પૂનમ નો મહામેળો શરૂ છે જ્યાં દરરોજ ના હજારો યાત્રિકો પગપાળા તેમજ સંઘ લઈ ને ચાલતા અંબાજી આવી રહ્યા છે ત્યારે માર્ગ માં ઠેર ઠેર કૅમ્પો અને અન્ય સુવિધાઓ ઉપલબ્ધ થઈ રહી છે.પરંતુ અંબાજી નજીક ના વિસ્તાર માં ક્યાંક તંત્ર ની ચૂક કે ,ભારે બેદરકારી સામે આવી રહી છે.
દાંતા તરફ થી ચાલતા આવી રહેલા પગપાળા યાત્રિકો ને ધાબા વાળી વાવ થી શ્રી શક્તિસેવા કેન્દ્ર ની પાનસા ખાતે આવેલ શાળા સુધી ના માર્ગ માં અંધારપટ છવાઈ રહ્યો છે જેમાં પણ શ્રદ્ધાળુઓ ની આસ્થા અંધારા માં પણ આ ભાવિકો ને ચાલવાની હિંમત આપી રહી છે પરંતુ આ વિસ્તાર એ ચારે તરફ થી જંગલ વિસ્તાર થી ઘેરાયેલ હોવાથી રાત્રિ ના સમયે ચાલ્યા આવતા લોકો ની સુવિધા અને સુરક્ષા ના હેતુસર માર્ગ માં પૂરતા પ્રકાશ આપે તેવી લાઇટ ની વ્યવસ્થા હોવી જરૂરી છે .
ત્યારે મેળા ના અવસરે માતાજી ના મંદિર ઉપરાંત ગામ વિસ્તાર ને હજારો લાઈટો થી શણગાર કરી ને ઝળહળતું તો કરાયું છે પરંતુ ગામ માં આવવા તરફ ના માર્ગ અને તે પણ જ્યારે યાત્રિકો નો ભારે ઘસારો મેળા દરમિયાન માં જોવા મળી રહ્યો છે ત્યાજ તંત્ર ની આ બાબતે ઘોર બેદરકારી કે ચૂક સામે આવતા અનેક સવાલો ઊભા થઈ રહ્યા છે.
વનરાજી થી ઘેરાયેલા આ વિસ્તાર માં જંગલી જાનવરો ઉપરાંત અસામાજિક તત્વો પણ આવા વાતાવરણ માં સક્રિય બનતા હોય છે ત્યારે અંધારા નો લાભ લઈ કોઈ યાત્રિક જોડે વનવિસ્તાર ના જાનવર કે અસામાજિક તત્વો વડે યાત્રિક જોડે કઈ અણબનાવ બને કે દુર્ઘટના સર્જાય ત્યારે તેનો જવાબદાર કોણ?
શું ફક્ત તંત્ર ની ગામ ને પ્રકાશિત કરવાની જ જવાબદારી છે? જ્યાં દરરોજ ના લાખો ની સંખ્યા માં માઈ ભક્તો દિવસ રાત ચાલી ને આવી રહ્યા છે તે આવવાના માર્ગો પણ પ્રાથમિક સુવિધા થી સજ્જ ના હોય ત્યારે અંધારા માર્ગે પણ માતાજી ના ભરોસે ચાલતા માઇભક્તો ની સુવિધા માં ચૂક કોઈક ના જીવન સાથે ચેડા બરોબર જ ગણી શકાય તેમ છે ત્યારે લાખો રૂપિયા ના ટેન્ડર આપી ગામ અને આસપાસ ના વિસ્તારો ને લાઈટો થી શણગારતા તંત્ર ને ગામ નજીક ના આ વિસ્તાર અંગે પણ તકેદારી લઈ વહેલી તકે અંધારા માં ચાલતા યાત્રિક જોડે કઈ અણબનાવ બને તે પહેલાં પૂરતી વ્યવસ્થા કરી લેવાય તે જરૂરી બન્યું છે.
રિપોર્ટર અમિત પટેલ અંબાજી
