GT Players at Cancer Hospital Ahmedabad: આઈપીએલની ધમાચકડી વચ્ચે ગુજરાત ટાઇટન્સના ખેલાડીઓએ રમતમાંથી સમય કાઢીને એક એવી લડાઈમાં ભાગ લીધો જે જીવન બચાવવા માટેની છે. પ્રસિદ્ધ કૃષ્ણ, લ્યુક વુડ, શાહરૂખ ખાન અને સાઈ કિશોર જેવા સ્ટાર ખેલાડીઓએ અમદાવાદની એક ખાગની હોસ્પિટલની સરપ્રાઈઝ વિઝિટ લઈને કેન્સરના દર્દીઓના ચહેરા પર સ્મિત લહેરાવ્યું હતું.
ક્રિકેટના હીરો મળ્યા જીવનના અસલી હીરોને
સારવાર લઈ રહેલા દર્દીઓ માટે આ એક સામાન્ય દિવસ હતો, પણ જ્યારે અચાનક તેમના વોર્ડમાં ગુજરાત ટાઇટન્સના ખેલાડીઓ પહોંચ્યા ત્યારે વાતાવરણ ઉત્સાહથી ભરાઈ ગયું. ખેલાડીઓએ કેન્સર સામે લડી રહેલા અને આ જંગ જીતી ચૂકેલા સર્વાઈવર્સ સાથે સમય વિતાવ્યો, તેમની સંઘર્ષગાથા સાંભળી અને તેમને પ્રોત્સાહન પૂરું પાડ્યું.
આ પણ વાંચો: સોસાયટીઓમાં પ્રવેશબંધી-મોંઘવારી છતાં ભાજપ કેમ જીત્યું? અસંતોષ ડામવા વપરાયો આ માસ્ટર પ્લાન
દવા રોગ મટાડે, પણ આવી ક્ષણો આત્માને સાજા કરે છે
હોસ્પિટલના ડોક્ટર્સના અનુસાર કેન્સરમાં રિકવરી માત્ર ક્લિનિકલ નથી હોતી, પણ ભાવનાત્મક પણ હોય છે. ગુજરાત ટાઇટન્સના ખેલાડીઓની હાજરીએ દર્દીઓમાં નવી ઉર્જા ભરી દીધી છે. યુવાન દર્દીઓ માટે તેમના મનપસંદ ખેલાડીઓને મળવું એ માનસિક તણાવ અને ચિંતા દૂર કરવાની એક શ્રેષ્ઠ થેરાપી સાબિત થઈ છે.
રમત અને માનવતાનું અનોખું જોડાણ
આ મુલાકાત માત્ર એક ફોટો-શૂટ નહોતી, પરંતુ એક અર્થપૂર્ણ માનવ જોડાણ હતું. ખેલાડીઓ ખૂબ જ સહાનુભૂતિ સાથે દર્દીઓ સાથે વાતો કરતા જોવા મળ્યા હતા. ગુજરાત ટાઇટન્સના આ અનોખા સહયોગે સાબિત કર્યું છે કે રમતગમતમાં માત્ર સ્પર્ધા જ નહીં, પણ સમાજને બેઠો કરવાની હીલિંગ પાવર પણ હોય છે.
