આ પણ વાંચો ટ્રેન્ડિંગ સમાચાર
અમદાવાદ,મંગળવાર
ગુજરાતમાં ધોરી માર્ગમાં પોલીસના નાકા બંધી અને સખત ચેકિંગના કારણે હવે રાજસ્થાન, મહારાષ્ટ્ર તથા ઓરિસ્સાથી માદક પદાર્થની હેરાફેરી ટ્રેનમાં થઇ રહી છે. છેલ્લા કેટલાય સમયથી કાલુપુર તથા વટવા મણિનગર સહિતના રેલવે સ્ટેશનને ટ્રેના ડબ્બામાંથી બિન વારસી ગાંજાનો મળવાના અનેક કિસ્સા પ્રકાશમાં આવી ચૂક્યા છે. તેવામાં ગઇકાલે પુરીથી અમદાવાદ આવેલી ટ્રેનમાં રૂ.6 લાખના ગાંજાના જથ્થા સાથે ઓરિસ્સાના 3 શખ્સોને સાબરમતી રેલવે સ્ટેશનથી પકડી પાડવામાં આવ્યા હતા.પોલીસ તપાસમાં તેઓ અગાઉ 2 વખત જમાલપુરના શખ્સને ગાંજાનો જથ્થો આપી ગયા હતા.
રેલવે સ્ટેશન બહાર ચેકિંગ વખતે પકડાયા
અમદાવાદ રેલવેમાં એસઓજીમાં નોકરી કરતા નરસિહભાઇએ અમદાવાદ રેલવે પોલીસ સ્ટેશનમાં ઓરિસ્સાના ચંચણા દંડપાણી સ્વેન તથા તીર્થ સંતોષ સ્વેન અને સરોજ તેમજ અમદાવાદના યાસીન નામના શખ્સ સામે ફરિયાદ નોંધાવી છે કે ગઇકાલે પુરીની ટ્રેન આવતાં તેઓ રેલવે સ્ટેશન પાસે પેસેન્જરનું ચેકિંગ કરતા હતા તે સમયે 3 શખ્સો ઉપર શંકા જતાં ક્યાંથી આવ્યા અને ક્યાં જવાનું પૂછતાં તેઓ ગભરાઇ ગયા હતા. એટલું જ નહી તેમની પાસેની કોલેજીયન બેગમાં શું છે તેમ પૂછતાં તેઓ ભાંગી પડયા હતા. તમામને પોલીસ સ્ટેશન લઇ જઇને બેગ ચેક કરતાં તેમાંથી રૃા. 6 લાખના ગાંજાના જથ્થા સાથે ઓરિસ્સાના 3 શખ્સોને સાબરમતી રેલવે સ્ટેશનથી પકડી પાડવામાં આવ્યા હતા.પોલીસ તપાસમાં તેઓ અગાઉ 2 વખત જમાલપુરમા યુવકને બોમ્બે હોટલ પાસે ગાંજાનો જથ્થો આપી ગયા હતા.
